Last Updated: April 4, 20:04
Friday, April 4, 2025
ޚަބަރު

ހުޅުމާލޭގައި 'އަވައްޓެރި ރޯދަ ވީއްލުން'

"އަވައްޓެރި ރޯދަ ވީއްލުން" ނަމުގައި ހުޅުމާލޭގެ އެކި ސަރަހައްދުތަކުގައި ރޯދަ ވީއްލުންތަކެއް ބާއްވަން ފަށައިފި އެވެ.

މިއީ އެ ކުންފުންޏާއި ހުޅުމާލޭގެ ނެއިބަހުޑް ޕޮލިސް ގުޅިގެން ކުރިއަށް ގެންދާ ހަރަކާތެކެވެ. އެގޮތުން އިއްޔެ ވަނީ ފުރަތަމަ "އަވައްޓެރި ރޯދަ ވީއްލުން" ބާއްވައިފަ އެވެ.

މީ ބޭނުމަކީ ހުޅުމާލޭގައި ދިރިއުޅޭ ރައްޔިތުންގެ މެދުގައި ގުޅުން ބަދަހިކޮށް، އެކުވެރިކަމާއި އެއްބައިވަންތަކަން އާލާކޮށް ދިރުވުމެވެ.

އެޗްޑީސީން ބުނީ ރޯދަ މަހުގެ ބާކީ އޮތް ދުވަސްތަކުގައި ހުޅުމާލޭގެ އެކި ސަރަހައްދުތަކުޔގައި މިކަން ކުރިއަށް ގެންދާނެ ކަމަށެވެ.

"ހުޅުމާލޭގެ ރައްޔިތުންނަކީ އަބަދުވެސް ރައްޔިތުންނާ ގުޅުންހުރި މިފަދަ ކަންކަމުގައި އަޅުގަނޑުމެންނަށް އެއްބާރުލުން ދޭ ބައެއް،" އެޗްޑީސީގެ މާކެޓިން އެންޑް ޕީއާރު ޑިޕާޓްމަންޓްގެ ހެޑް ހަސަން ޝަހީދު ވިދާޅުވި އެވެ. "އެގޮތުން މި ފަހަރުވެސް މި އަވައްޓެރި ރޯދަ ވީއްލުން ހަރަކާތް ކުރިއަށް މި ގެންދަނީ ގިނަ ބައެއް ބައިވެރިވުމާއި އެއްބާރުލުމާ އެކު."