އާ ލޯބިވެރިޔާއާ އެކު އޮތީ ވަރަށް ސީރިއަސް ގުޅުމެއް ކަމަށް ބޮލީވުޑްގެ ތަރި އާމިރު ޚާން ބުނެފި އެވެ.
މި މަހުގެ 14 ވަނަ ދުވަހު 60 އަހަރުގެ އެކްޓަރުގެ އާ ބައިވެރިޔަކީ ބެންގަލޫރަށް ނިސްބަތްވާ ގޯރީ ސްޕްރަޓް އެެވެ. އޭނަ އަކީ އާމިރުގެ އަމިއްލަ ޕްރޮޑަކްޝަން ހައުސްގައި މިހާރު މަސައްކަތް ކުރަމުން އަންނަ މީހެކެވެ.
މީޑިއާތަކަށް އާމިރު ލޯބިވެރިޔާ ތައާރަފުކޮށް ދިނީ މީޑިއާތަކާ އެކު އުފަން ދުވަސް ފާހަގަކުރަން މި މަހުގެ 13 ވަނަ ދުވަހު ބޭއްވި ހަފުލާގަ އެވެ. އެ ހަފުލާގައި އާމިރު ބުނީ އޭނަ ގޯރީ ދަންނަތާ 25 އަހަރުވެއްޖެ ކަމަށެވެ. އެކަމަކު ދެ މީހުން ލޯބީގެ ގޮތުން ގުޅުނީ މީގެ ދޮޅު އަހަރު ކުރިން ކަމަށް ބުންޏެވެ.
އާމިރު ބުނި ގޮތުގައި ގޯރީ އަކީ ހަ އަހަރުގެ ފިރިހެން ކުއްޖެއްގެ މައެކެވެ. އަދި ގޯރީ އާއި އޭނަގެ ގުޅުން މިހާރު ވަރަށް ސީރިއަސް ކަމަށް ބުންޏެވެ. އެކަމަކު ކައިވެނީގެ ޕްލޭނާ ބެހޭ އެއްވެސް ވާހަކައެއް ހިއްސާއެއް ނުކުރެ އެވެ. އާމިރު
ގެ އާއިލާގެ ރުހުން ވެސް ގޯރީ އަށް ލިބިފައިވެ އެވެ. އެކަން އާމިރުގެ 60 ވަނަ އުފަން ދުވަހާ ދިމާކޮށް، ދައްތަ ނިހާތު ލިޔުނު ސިޓީއެެއްގައި ބުނެފައިވެ އެވެ. އެ ސިޓީގައި އޭނަ ބުނެފައި ވަނީ އާމިރާއި ގޯރީގެ ގުޅުމާ މެދު އާއިލާ އުފާވާ ކަމަށާއި އެ ދެ މީހުންނަށް ބާއްޖަވެރި ހަޔާތަކަށް އެދޭ ކަމަށެވެ.
އާމިރު އާ ލޯބިވެރިޔަކު ހޯދި އިރު، އޭނަ ކުރީގެ ދެ ކައިވެނި ވެސް އޮތީ ރޫޅިފަ އެވެ. އަދި ދެ ކައިވެންޏަށް ތިން ކުދިން ލިބިފައިވެ އެވެ.
އާމިރާއި ރީނާ ދައްތާގެ ކައިވެނި 2001 ގައި ރޫޅައިލި އިރު، ލިބިފައިވާ ދެ ދަރިންނަކީ އެވެ. އެއީ މިހާރު ފިލްމު ވެސް ކުޅެމުން އަންނަ ޖުނައިދު ޚާން، 31، އާއި މިދިޔަ އަހަރު ކައިވެނި ކޮށްފަވާ އިރާ ޚާން، 27، އެވެ. އާމިރާއި ޑައިރެކްޓަރު ކިރަން ރާއޯ 2005 ގައި ކުރި ކައިވެނި 2021 ގައި ރޫޅައިލާ އިރު، ލިބިފައިވާ ދަރިފުޅު އާޒާދު ރާއޯ ޚާނަށް މިހާރު 12 އަހަރެވެ.
ކުރީގެ ދެ އަނބިންނާއި އާމިރާ ދެމެދު އަބަދު ވެސް ވަރަށް ގާތް ގުޅުމެއް އޮވެ އެވެ.