Last Updated: April 4, 20:04
Friday, April 4, 2025
ޚަބަރު

ކަޅުތެޔޮ ޖެހުމަކީ އެންމެންނަށް ދެއްކި ބިރެއް: ސޯލިހް

އެމްޑީޕީގެ އެކްޓިވިސްޓެއްގެ ގަޔަށް ކަޅުތެޔޮ ޖެހުމަކީ ރައްޔިތުންގެ އަޑު ކަނޑުވާލައި ސަރުކާރުގެ ދޯދިޔާ ސިޔާސަތުތަކަށް ފާޑުކިޔާ އެންމެންނަށް ބިރުދެއްކުމަށް ހިންގި ފިނޑި އަމަލެއް ކަމަށް ކުރީގެ ރައީސް އިބްރާހީމް މުހައްމަދު ސޯލިހު ވިދާޅުވެއްޖެ އެވެ.

އެމްޑީޕީގެ މަޖިލިސް މެންބަރު މީކާއީލް ނަސީމްގެ މަންމަ އަދ އެމްޑީޕީގެ އިސް އެކްޓިވިސްޓެއް ކަމަށްވާ މަރިޔަމް ޒުބައިރު (މަންދީ) ގެ ގަޔަަށް ބަޔަކު ކަޅު ތެޔޮޖެހޭ އެމްޑީޕީން ރޭ ބޭއްވި މުޒާހަރާ ނިންމުމަށް ފަހު ސައިކަލްގައި ގެޔަަށް ދަނިކޮށް ރޭ ދަންވަރު އެވެ.

މިކަމާ ގުޅިގެން ސޯލިހު ސޯޝަލް މީޑިއާ ޕޯސްޓެއްގައި ވިދާޅުވީ އެމްޑީޕީގެ އިސް ޚިދުމަތްތެރިއެއް މަންދީ އަށް ބިރުދައްކައި ކަޅުތެޔޮ ޖަހައި ދިން ހަމަލާ އެންމެ ހަރުކަށި އިބާރާތުން ކުށްވެރިކުރައްވާ ކަމަށެވެ.

"މިކަހަލަ ބިރުދެއްކުމާއި ފިއްތުންތަކަށް އެމްޑީޕީއެއް އެއް ނުސިހޭނެ،" އެ އެމަނިކުފާނު ވިދާޅުވ އެވެ. "އަދި ރައްޔިތުންގެ ހައްޤުގައި އެމްޑީޕީން ކުރިއަށް ގެންދާ ސުލްޙަވެރި ސިޔާސީ ހަރަކާތްތައް ފަހަތަށް ނުޖެހި ކުރިއަށް ދާނެ."