ރަމަޟާން މަހުގެ ފުރަތަމަ 10 ދުވަހުގެ ތެރޭގައި ޒަކާތު ހައުސްއަށް ފިތުރު ޒަކާތުގެ ގޮތުގައި 2.9 މިލިޔަން ރުފިޔާ ލިބިއްޖެ އެވެ.
ޒަކާތު ހައުސް އިން އާންމުކޮށްފައިވާ ތަފާސްހިސާބުތަކުން ދައްކާގޮތުގައި މިއަހަރުގެ ރަމަޟާން މަހުގެ ފުރަތަމަ 10 ދުވަހުގެ ތެރޭގައި އޮންލައިންކޮށް އަދި ޒަކާތު ހައުސްގެ ކައުންޓަރުތަކުން ފިތުރު ޒަކާތުގެ ގޮތުގައި ޖުމްލަ 2،913،839.61 ރުފިޔާ ވަނީ ބަލައިގެންފަ އެވެ. މިއީ ފާއިތުވެދިޔަ ފަސް އަހަރުގެ ރަމަޟާން މަހުގެ ފުރަތަމަ 10 ދުވަހަށް ބަލާއިރު ބޮޑު އިތުރުވުމެކެވެ.
ޒަކާތު ހައުސް އިން ބުނީ ރޯދަ މަހުގެ ފުރަތަމަ ދުވަހުން ފެށިގެން 27 ވަނަ ދުވަހުގެ ހެނދުނު 6:00 އާ ހަމައަށް އޮންލައިންކޮށް ޒަކާތް ބަލައިގަންނަމުން ދާނެކަމަށެވެ. އެގޮތުން މި ފަހަރުވެސް އޮންލައިންކޮށް ފަސް ޕްލެޓްފޯމްއަކުން ޒަކާތް ދެއްކޭނެ އެވެ.
އޮންލައިންކޮށް ޒަކާތް ދެއްކޭނެ ޕްލެޓްފޯމްތައް:
* ދިރާގު އެޕް/ދިރާގު ޕޭ (ވެބްސައިޓް)
* އުރީދޫ، އެމް ފައިސާ (އެޕްލިކޭޝަން)
* މޯލްޑިވްސް އިސްލާމިކް ބޭންކް (އެޕްލިކޭޝަން)
* ބޭންކް އޮފް މޯލްޑިވްސް މޯބައިލް (އެޕްލޭޝަން)
* ފަހިޕޭ (އެޕްލިކޭޝަން)
* ބަނޑޭރި ޕޭ
ޒަކާތު ހައުސް އިން ބުނީ ބަނޑޭރި ޕޭ އާއި ފަހިޕޭ މެދުވެރިކޮށް ރޯދަ މަހުގެ އެންމެ ފަހު ދުވަހާ ހަމައަށް ވެސް ފިތުރު ޒަކާތް ދެއްކޭނެ ކަމަށެވެ. އަދި އުމުރުން ދުވަސްވީ މީހުންނާއި އޮންލައިންކޮށް ޒަކާތް ދެއްކުމަށް އަހުލުވެރި ނޫން ފަރާތްތަކަށް ޚާއްސަކޮށް އިސްލާމީ މަރުކަޒުގެ ޖަލްސާކުރާ މާލަމުގައި ޒަކާތް ބަލައިގަތުން ކުރިއަށް ގެންދާނެ އެވެ.
ކައުންޓަރުތަކުން ޒަކާތް ބަލައިގަންނާނެ ތާވަލު:
* މާޗް 2-20: ރަސްމީ ބަންދުނޫން ކޮންމެ ދުވަހަކު: 9:30-01:00 އަށް
* މާ 23-30 އަށް: ހުކުރު ހޮނިހިރު ދުވަސް ފިޔަވައި ކޮންމެ ދުވަހަކު: 11:00 އިން 02:00 އަށް
ޒަކާތު ހައުސިން އިން ބުނީ ރަށްރަށުގައި ނަގުދު ފައިސާއިންނާއި ކައުންސިލްތަކުގެ އެކައުންޓްތަކަށް ޓްރާންސްފާކޮށްގެން ޓްރާންސްފާ ފިތުރު ޒަކާތް ބަލައިގަތުމުގެ އިންތިޒާމް ހަމަޖައްސާނީ އެ ރަށެއްގެ ރަށު އަދި ސިޓީ ކައުންސިލްތަކުން ކަމަށެވެ.
ފިޠުރު ޒަކާތުގެ ގޮތުގައި ދައްކަން ޖެހޭ ފައިސާގެ ޢަދަދު:
* އާދައިގެ ހަނޑޫ: 12ރ.
* ތައިލެންޑް ހުދު ހަނޑޫ: 62ރ.
* ރަތް ހަނޑޫ: 86ރ.
* ބާސްމަތީ ހަނޑޫ (އާދައިގެ): 74ރ.
* ބާސްމަތީ ހަނޑޫ (މޮޅު): 100ރ.
* ބާސްމަތީ ހަނޑޫ (އެންމެ މޮޅު): 133ރ.
* އާދައިގެ ފުށް: 10ރ.
8- އާޓާ ފުށް: 75ރ.
ފިޠުރު ޒަކާތަކީ ރޯދަ މަހާ ވިދިގެން ދައްކަން ފަރުޟުކޮށްފައިވާ ޒަކާތެކެވެ.