އދ. އަރިޔަދޫގައި "ކޮކޮނަޓް ޑިވެލޮޕްމަންޓް ސެންޓަ" އެއް ގާއިމު ކުރަން ހަމަޖެހިފައިވާތީ އެކަމާ ގުޅޭ މަޝްވަރާ ބައްދަލުވުމެއްގައި ބައިވެރިވާން ދަނޑުވެރިކަމާ ބެހޭ މިނިސްޓްރީން ހުޅުވާލައިފި އެވެ.
އެގޮތުން މިހާރު ނަން ނޯޓް ކުރެވޭނެ އެވެ.
އަރިޔަދޫގައި ގާއިމުކުރާ ސެންޓަރު މެދުވެރިކޮށް ރާއްޖޭގައި ހެދޭ، އަދި ހައްދަން ބޭނުންވާ މަތިވަރާއި، ފެންވަރު ރަނގަޅު (ޖެނެޓިކަލީ އިމްޕްރޫވްޑް) ރުކުގެ ނާސަރީތަކެއް ގާއިމުކޮށް ރުކުގެ ސެޓިފައިޑް ތަފާތު މުޑުވައްތައް ދެމެހެއްޓެނިވި ގޮތެއްގައި ރަށްތަކަށް ފޯރުކޮށް ދިނުމުގެ މަސައްކަތް ކުރުމަށް ވަނީ ނިންމައިފަ އެވެ.
އެހެންވެ މި މަސައްކަތް ކުރިޔަށް ގެންދާނެ ގޮތްތަކާ ގުޅޭ ގޮތުން ޚިޔާލާއި މަޝްވަރާ ދޭން ޝައުގުވެރިވާ ފަރާތްތަކަށް އެ ފުރުސަތު ދޭން ނިންމީ އެވެ.
އަރިޔަދޫގައި ހިންގުމަށް ހަމަޖެހިފައިވާ ޕްރޮޖެކްޓްގައި ހޭޅިފަށުގައި ހެދޭ ގަސްގަހާއިގެހި އާލާ ކުރުމަށާއި، ކާނާގެ ޔަގީންކަން ގާއިމުކުރުމަށްޓަކައި، ޕްރޮގްރާމްތައް ހިންގުމަށް ބޭނުންވާ ތަފާތު މުޑުވައްތައް ވެސް އެރަށުގައި އުފެއްދުމަށް ވަނީ ނިންމާފައިވެ އެވެ.
މިނިސްޓްރީން ބުނީ ގައުމީ ފެންވަރުގައި ކުރާ މިފަދަ ބޮޑެތި މަޝްރޫޢުތަކަށް އާންމުންގެ ޙިޔާލާއި މަޝްވަރާ ވަރަށް މުހިއްމު ކަމަށެވެ.