Last Updated: April 3, 22:50
Thursday, April 3, 2025
މުނިފޫހިފިލުވުން

'ފެށުމާއި ނިމުން' ގެ މޯޝަން ޕޯސްޓަރެއް

ޑާކް ރެއިން އެންޓަޓައިންމަންޓން މީޑިއާނެޓަށް ގެންނަން ތައްޔާރުވަމުން އަންނަ އާ ސީރީޒް "ފެށުމާއި ނިމުން" ގެ މޯޝަން ޕޯސްޓަރެއް މިއަދު ދައްކާލައިފި އެވެ.

މި ސީރީޒަކީ ޑައިރެކްޓަރު/ސްކްރީން ރައިޓަރު ޝަހުދާ މަހުމޫދުގެ ސްކްރީންޕްލޭއަކަށް އަލީ ޝިފާއު (ޗިއްޕެ) ޑައިރެކްޓްކޮށްފައިވާ އެއްޗެކެވެ. ޝަހުދާ އަކީ ޑާކް ރެއިނުން އެންމެ ފަހުން މީޑިއާނެޓަށް ގެނައި ސީރީޒް "ރޯލީމޭ" އަދި މީގެ ދެ ދުވަސް ކުރިން އެ ޕްލެޓްފޯމުން ސްޓްރީމިން އަށް ދޫކޮށްލި ޑާކް ރެއިންގެ އެންމެ ފަހުގެ ފިލްމު "ބިބީ" ލިޔެ، ގެނެސްދިން ޑައިރެކްޓަރެވެ.

ޕްރީމިއާކު ރާނެ ތާރީހެއް އަދިވެސް އިއުލާން ނުކުރާ 10 އެޕިސޯޑްގެ "ފެށުމާއި ނިމުން" ގެ މައިގަނޑު ކާސްޓްގައި ހިމެނެނީ ޝަރަފު އަބްދުﷲ، އައިމިނަތު ޝުހާ، މޫސާ އަލީފް، ހުސައިން ސާމީ، އާއި ދަރާ މުހައްމަދު ރަޝީދުގެ އިތުރުން ޑާކް ރެއިންގެ އުފެއްދުމަކުން އަލަށް ފެންނަ ފައިނާ އެވެ.

"ފެށުމާއި ނިމުން" ގެ ޕްރޮޑިއުސަރުންނަކީ މުހައްމަދު އަލީ (މޮގާ) އާއި އަންހެނުން އައިޝަތު ފުއާދު ތައުފީގެވެ.