Last Updated: April 3, 22:50
Thursday, April 3, 2025
ޚަބަރު

'އުފާވެރިކަމުގެ ދުވަސް' ފާހަގަ ކުރަނީ

"ބައިނަލްއަގުވާމީ އުފާވެރިކަމުގެ ދުވަސް" ފާހަގަ ކުރަން ތައްޔާރުވާން ފަށައިފި އެވެ.

ބައިނަލްއަގުވާމީ އުފާވެރިކަމުގެ ދުވަހަކީ މާޗް 20 އެވެ.

ލޯކަލް މިނިސްޓްރީން ބުނީ އެ ދުވަސް ފާހަގަކުރުމަށް މިއަދާއި މާދަމާ މާލޭގައި ކުރިއަށް ގެންދިޔުމަށް ހަމަޖެހިފައިވާ ޙަރަކާތްތަކުގެ ތެރޭގައި، ގިފްޓް ޕެކް ޙަވާލުކުރުމާއި، ދުވަހާ ގުޅޭ ކާޑު ބެހުމާއި، މާ ހަދިޔާކުރުމާއި، ދުވަހުގެ ތަހުނިޔާ ފޮނުވުމާއި، އަދި ޓީވީއެމުން މިހާރު ލޯންޗްކޮށްފައިވާ "ހިތްހެޔޮކަމުން އުފާވެރިކަން" މި ކެމްޕޭނުގެ ދަށުން ހިތްހެޔޮކަމާއި، އޯގާތެރިކަމުން އުފާވެރިކަން ގެނުވައިދޭ ފަދަ ވީޑިޔޯ ފޮނުވުމުގެ ޙަރަކާތެއް ކުރިއަށް ގެންދާ ގޮތަށް ހަމަޖެހިފައިވާ ކަމަށެވެ.

މި އަހަރުގެ "ބައިނަލްއަޤްވާމީ އުފާވެރިކަމުގެ ދުވަސް" ފާހަގަ ކުރެވެނީ ހެޕިނަސް އިންޑެކްޝަންގެ ޕާޓްނަރުން ކަމަށްވާ ޓީވީއެމާއި، ދިރާގުގެ އިތުރުން ޕޮލިހާއި، އުރީދޫ މޯލްޑިވްސް އާއި، ވީބީ މާޓް އަދި ހެޔޮއެދޭ ބައެއް ފަރާތްތަކުގެ އެހީތެރިކަމާ އެކީގަ އެއެވެ.

މި ދުވަހުގެ ޙަރަކާތްތަކުގައި ބައިވެރިވުމުގެ ގޮތުން ފަރުދީ ފެންވަރުގަ އާއި، މުއައްސަސާތަކުގެ ފެންވަރުގައާއި، މުޖުތަމަޢުގެ ފެންވަރުގައި އަނެކުންނަށް އެހީތެރިވެ، އޯގާތެރިވުމުގެ ގޮތުން ކޮންމެވެސް ކަމެއް ކޮށް ދިނުމަކީ އެ ދުވަސް، ބައިނަލްއަޤްވާމީ ފެންވަރުގައި ފާހަގަކުރުމުގެ އެންމެ މަތިވެރި އެއް މަގުސަދެވެ.