މާދަމާ އިން ފެށިގެން ރޯދަ މަހުގެ ފަހު 10 އާ ކުރިމަތިލާ އިރު، އެ މުއްދަތަށް ރައްޔިތުންގެ މަޖިލީހުގެ ޖަލްސާތައް މެދުކަނޑާލަން ނިންމައިފި އެވެ.
މަޖިލީހުގެ މިއަދުގެ ޖަލްސާ ނިންމާލަމުން މަޖިލީހުގެ ރައީސް އަބްދުއްރަހީމް އަބްދުﷲ ވިދާޅުވީ، މަޖިލީހުގެ ޖަލްސާއެއް ދެން އޮންނާނީ އަންނަ މަހުގެ 7 ގައި ކަމަށެވެ. ރޯދައިގެ ފަހު 10 އާ އެކު ޝައްވާލު މަހުގެ ހަ ރޯދައަށް ވެސް މަޖިލިސް ބަންދުވާނެ އެވެ.
އަބްދުއްރަހީމް ވަނީ، ރޯދައިގެ ފަހު 10 ގައި މެންބަރުން ރައްޔިތުންނަށް ނަމޫނާ ދެއްކެވުމަށާއި މި މަހުގެ ފުރިހަމަ ސަވާބާއި ފައިދާ ލިބިގަތުމަށް މަސައްކަތް ކުރުމަށް ވެސް ގޮވާލައްވައިފަ އެވެ.
ފަހު 10 އަށް މަޖިލީހުގެ ޖަލްސާތައް މެދުކަނޑާލަން ނިންމި އިރު ބައެއް ބިލުތަކުގެ މަސައްކަތް ނުނިމި އެބަހުއްޓެވެ.