Last Updated: April 6, 15:08
Sunday, April 6, 2025
ޚަބަރު

އައްޑޫ މަތިކިޅި ޗަސްބިމުގައި އަލިފާން ރޯވެއްޖެ

މަތިކިޅި ޗަސްބިމުގައި އަލިފާން ރޯވެފައި - ފޮޓޯ: އީމާން

އައްޑޫ ސިޓީގެ ހުޅުމީދޫގައި އޮންނަ މަތިކިޅި އިކޯގާޑެންގައި އޮންނަ ޗަސްބިމުގައި އަލިފާން ރޯވެއްޖެ އެވެ.

އެމްއެންޑީއެފުން ބުނީ މި ހާދިސާގެ މަޢުލޫމާތު ލިބިފައި ވަނީ މިއަދު ހެނދުނު 11:45 ހާއިރު ކަމަށެވެ. ނަމަވެސް އަދިވެސް އަލިފާން މުޅިން ކޮންޓްރޯލް ކުރެވިފައެއް ނުވެ އެވެ.

މީދޫ ޗަސްބިމުގައި އަލިފާން ރޯވެގެން، އަލިފާން ނިއްވުމުގައި އެމްއެންޑީއެފް ސަދަން އޭރިއާ ކޮމާންޑް، ހުޅުމީދޫ ފަޔާ ސްޓޭޝަނުގެ ފަޔާ ފައިޓަރުން ހަރަކާތްތެރިވަމުންދާ ކަމަށް އެމްއެންޑީއެފުން ބުނެ އެވެ.

މި ހާދިސާ ހިނގި ސީދާ ސަބަބެއް މިހާތަނަށް އެނގިފައެއް ނުވެ އެވެ.

މީގެ ކުރިން ވެސް އެ ތަނުގައި އަލިފާނުގެ ހާދިސާތައް ހިނގާފައިވެ އެވެ. އެގޮތުން ބައެއް ފަހަރު އަމިއްލައަށް ރޯވެ ހާދިސާތައް ހިނގައިފައިހުރިއިރު، ގަސްދުގައި ވެސް މީހުން ރޯކޮށްފައިވެ އެވެ.