ދެ ޕާޓީއެއް ފިޔަވައި އެހެން ހުރިހާ ސިޔާސީ ޕާޓީއަކުން މިދިޔަ އަހަރުގެ އަހަރީ ރިޕޯޓް ހުށަހަޅާފައިވާ ކަމަށް އިލެކްޝަންސް ކޮމިޝަން (އީސީ) އިން ބުނެފި އެވެ.
މިދިޔަ އަހަރުގެ ރިޕޯޓްތައް ހުށަހަޅަން ހުޅުވާލި މުއްދަތު ހަމަވީ މި މަހުގެ 1 އަށެވެ.
ރާއްޖޭގައި މިހާރު ނުވަ ޕާޓީއެއް ހިންގަމުން އަންނައިރު މިދިޔަ އަހަރުގެ އަހަރީ ރިޕޯޓް ހުށަހެޅީ ޕީއެންސީ އާއި އެމްޑީޕީ އާއި ޖުމްހޫރީ ޕާޓީ އާއި އަދާލަތު ޕާޓީ އާއި އެމްއެންޕީ އާއި އެމްޑީއޭގެ އިތުރުން ދަ ޑިމޮކްރެޓްސް އިންނެވެ.
އީސީން ބުނީ ރިޕޯޓް ހުށަނާޅަނީ ޕީޕަލްސް ނޭޝަނަލް ފްރަންޓް (ޕީއެންއެފް) އާއި މޯލްޑިވްސް ތަޑްވޭ ޑިމޮކްރެޓްސް (އެމްޓީޑީ) އިން ކަމަށެވެ.
ކޮމިޝަނުން ބުނީ އެ ދެ ޕާޓީ އަށް އަންގާރަ ދުވަހާ ހަމައަށް ރިޕޯޓް ހުށަހެޅުމަށް އިތުރު ފުރުސަތު ވެސް ދިން ކަމަށެވެ. ނަމަވެސް ރިޕޯޓް ހުށަނަޅާނީ އަޅަން ޖެހޭ ފިޔަވަޅު އަޅާނެ ކަމަށް އީސީން ބުންޏެވެ.
ސިޔާސީ ޕާޓީގެ ގާނޫނުގެ ދަށުން ޕާޓީތަކުން ކޮންމެ އަހަރެއްގެ ވެސް އަހަރީ ރިޕޯޓް އީސީ އަށް ހުށަހަޅަންޖެހެ އެވެ.