މި އަހަރު ވެސް ފިތުރު ޢީދު ދުވަހު ރައީސް ޑރ. މުޙައްމަދު މުއިއްޒުގެ ދެކަނބަލުންގެ އީދު ސަލާން ކުރުން އޮންނާނެ ކަމަށް ރައީސް އޮފީހުން ބުނެފި އެވެ.
އެކަން ކުރިއަށް ދާނީ ފިތުރު އީދު ދުވަހުގެ ހެނދުނު 9:00އިން 11:00 އަށް މުލީއާގޭގަ އެވެ.
ރައީސް އޮފީހުން ވަނީ، ޢީދު ސަލާން ކުރުމުގައި ބައިވެރިވެވަޑައިގެން ދެއްވުމަށް އެންމެހައި ލޮބުވެތި ރައްޔިތުންނަށާއި، ދައުލަތުގެ އެކި މަގާމުތަކުގައި ތިއްބެވި ބޭފުޅުންނަށާއި، ބޭރުގެ ޢިއްޒަތްތެރިންނަށާއި، ރާއްޖޭގެ އެކި ކުންފުނިތަކާއި، އަމިއްލަ އެކިއެކި ޖަމުޢިއްޔާ ޖަމާޢަތްތަކުގެ މަންދޫބުންނަށް ރައީސުލްޖުމްހޫރިއްޔާގެ ދެކަނބަލުން ދަޢުވަތު އަރުވައިފަ އެވެ.
އަދި ޢާއިލާތަކާ އެކު ވީހާ ވެސް ގިނަ އަދަދެއްގެ ކުޑަކުދިންނާއި، ވީހާ ވެސް ގިނަ އަދަދެއްގެ ޒުވާނުން، ޢީދު ސަލާމުގައި ބައިވެރިވުމަށް ވެސް އެދިފައިވެ އެވެ.
ރައީސް އޮފީހުން ބުނީ ޢީދު ސަލާން ކުރުމަށް މުލީއާގެ އަށް ވަނުމަށް ހަމަޖެހިފައި ވަނީ މެދުޒިޔާރަތް މަގަށް ހުންނަ މުލީއާގޭ ބޮޑު ދޮރޯށިން ކަމަށެވެ.