ފަރުމަސް އާލާކުރަން ދަސްކޮށްދޭން ހިންގާ "މެރިން ހެޗަރީ ސްކިލްސް ޑިވެލޮޕްމަންޓް ޕްރޮގްރާމް" ގައި ބައިވެރިވުމުގެ ފުރުސަތު ހުޅުވާލައިފި އެވެ.
ފިޝަރީޒް މިނިސްޓްރީގެ ދަށުން ހިންގަމުން އަންނަ މޯލްޑިވްސް މެރިން ރިސާޗް އިންސްޓިޓިއުޓް (އެމްއެމްއާރްއައި) އިން ހިންގުމަށް ހަމަޖެހިފައިވާ މިޕްރޮގްރާމް ކުރިއަށް ދާނީ ކ. މަނިޔަފުށީގަ އެވެ.
ޖުމްލަ 15 ބައިވެރިންނަށް ހާއްސަކޮށްގެން އަންނަ މަހުގެ ތެރޭގައި ފަށަން ނިންމާފައިވާ ޕްރޮގްރާމްގައި ބައިވެރިވުމުގެ ފުރުސަތު ހުޅުވާލާފައި ވަނީ އަންނަ މަހުގެ 15 އާ ހަމައަށެވެ. މިނިސްޓްރީން ބުނީ ބައިވެރިވާން 15 މީހުންނަށް ވުރެ އިތުރަށް ފޯމު ހުށަހަޅައިފި ބައިވެރިން ހޮވާނީ ފޯމު ހުށަހެޅި ތަރުތީބުން ކަމަށެވެ.
ޕްރޮގްރާމް ފަށަން ހަމަޖެހިފައި ވަނީ އަންނަ މަހުގެ 26 ގަ އެވެ. އަދި ޕްރޮގްރާމް ކުރިއަށް ގެންދާނީ މެއި މަހުގެ 8 އާ ހަމައަށެވެ.
މިޕްރޮގްރާމަކީ މެރިކަލްޗަރގ ދާއިރާގެ ތަފާތު ބައިތައް ހިމަނައިގެން ފަރުމާކޮށްފައިވާ ޕްރޮގްރާމެކެވެ. އޭގެ ތެރޭގައި، އެކުއަކަލްޗާގެ ނިޒާމުތަކުގެ އިތުރުން މައިގަނޑު ހަތަރު ބާވަތެއްގެ މަހާއި ދިރުންތައް އާލާކުރުމުގެ ފިލާވަޅުތައް ނަގައި ދޭނެ އެވެ. އެއީ ފާނަ، ހުއިފިލަނޑާ، ދިވެހި މާގަނޑުމަހުގެ އިތުރުން އިތާމުތް އާލާކުރުމާ ގުޅޭ ގޮތުންނެވެ.
މިދިޔަ އަހަރު ވެސް މިފަދަ ޕްރޮގްރާމެއް ހިންގާފައިވެ އެވެ.