އޯގާތެރިވުމުގައި ދިވެހިންނަކީ ލާމަސީލު ނަމޫނާއެއް ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
ރައީސް މިހެން ވިދާޅުވީ މިއަދު ފާހަގަކުރާ ދުނިޔޭގެ ޑައުން ސިންޑްރޯމް ދުވަހާއި ގުޅިގެން ސޯޝަލް މީޑިއާގައި ހިއްސާކުރެއްވި ޕޯސްޓެއްގަ އެވެ.
އެކްސްގައި ކުރެއްވި ޕޯސްޓެއްގައި ރައީސް ވިދާޅުވީ އޯގާތެރިކަމާއި އެހީތެރިކަމުގައި ދިވެހީންނަކީ ލާމަސީލު ނަމޫނާއެއް ކަމަށެވެ. އަދި މުޖުތަމަޢުގެ ޚާއްޞަ އަޅައިލުމާ ލޯބި ބޭނުންވާ ހަމަ ކޮންމެ ކުއްޖަކާއި ޢާއިލާއަކަށް ހޭހަންކޮށްދިނުމުގައި ވެސް ސަރުކާރާއި ރައްޔިތުން މަސައްކަތްކުރާނީ އަތުގުޅާލައިގެން ކަމަށް ރައީސް ވިދާޅުވި އެވެ.
— Dr Mohamed Muizzu (@MMuizzu) March 21, 2025
ކޮންމެ އަހަރެއްގެ މާޗްމަހުގެ 21 ވަނަ ދުވަހަކީ ޑައުންސިންޑްރޯމް ހުންނަ ކުދިންނާ މެދު މުޖުތަމަޢު ހޭލުންތެރިކުރުވައި އެފަދަ ކުދިންނަކީ ވެސް މުޖުތަމަޢުގައި މުހިންމު ބައެއްކަން ބުނެދިނުމުގެ ގޮތުން ބައިނަލްއަޤުވާމި ގޮތުން ފާހަގަކުރާ ދުވަހެކެވެ.
މުޅި ދުނިޔޭގައި ވެސް މި ދުވަސް ކުލަގަދަކޮށް ފާހަގަކުރާއިރު، މިއަހަރަށް ކަނޑައެޅިފައިވާ ޝިއާރަކީ "އިމްޕްރޫވް އަވާ ސަޕޯޓް ސިސްޓަމް" މި ޝިއާރެވެ.