އަކްޝޭ ކުމާރުގެ ފިލްމެއްގެ ނަމަކަށް ބޮލީވުޑްގެ ތަރި، އަމީތާބް ބައްޗަންގެ އަންހެނުން ޖަޔާ ބައްޗަން މަލާމާތްކޮށް އެ ފިލްމަކީ ބޮޑު ފްލޮޕެއް ކަމަށް ބުނެފި އެވެ.
ބެލުންތެރިންގެ ފުދޭ ވަރެއްގެ ތަރުހީބެއް ލިބުނު އެ ފިލްމަކީ 2017 ގެ ކޮމެޑީ ޑްރާމާ "ޓޮއިލެޓް: އޭކް ޕްރޭމް ކަތާ" އެވެ. އަކްޝޭ އާއި ބޫމީ ޕިޑްނޭކަރް ލީޑް ރޯލު ފިލްމު ޑައިރެކްޓްކުރީ ޝްރީ ނާޔަރަން ސިންގް އެވެ. "ޓޮއިލެޓް: އޭކް ޕްރޭމް ކަތާ" ގައި ދައްކުވައި ދީފައި ވަނީ އިންޑިއާގެ ރަށްފަށުގައި ކުރެވޭ ކައިވެންޏަކަށް ފަހު، ފިރިމީހާގެ ގެއަށް އަނބިމީހާ ބަދަލުވާ އިރު، ފާހާނާއެއް ނެތުމުން އޭނަ ގެއިން ނުކުގެން ދިއުމުން އަނބުރާ ގެންނަން ފިރީމީހާ ކުރާ މަސައްކަތެވެ.
މި ފިލްމަކީ އިންޑިއާގެ ސަރުކާރުން "ސްވަޗް ބާރަތު" ގެ ދަށުން އިންޑިއާ ސާފު ގައުމަކަށް ހަދަން ކުރިއަށް ގެންދިޔަ ކެމްޕޭންގެ ތެރޭގައި އެ ގައުމުގެ ހުރިހާ ހިސާބެއްގައި ފާހާނާ ކުރެވޭނެ ހަރުދަނާ ނިޒާމުތަމެއް ގާއިމު ކުރަން ކުރި މަސައްކަތާ ވެސް ގުޅުވައި ގެނެސްދިން ފިލްމެކެވެ.
އެހެންވެ އެ ދުވަސްވަރު "ޓޮއިލެޓް: އޭކް ޕްރޭމް ކަތާ" އިން އާންމުން ހޭލުންތެރި ކުރުވަން މަސައްކަތްކޮށްފައިވާތީ ބޮޑުވަޒީރު ނަރެންދުރަ މޯދީ ފިލްމުގެ ޓީމަށް މަރުހަބާ ކިޔައި ޝުކުރު ވެސް އަދާކުރެއްވި އެވެ.
ނަމަވެސް ދާދި ފަހުން އިވެންޓެއްގައި ޖަޔާ ވަނީ "ޓޮއިލެޓް: އޭކް ޕްރޭމް ކަތާ" ގެ ނަމަށް މަލާމާތްކޮށް ވާހަކަ ދައްކައިފަ އެވެ.
"އެއީ ފިލްމަކަށް ކިޔާ ކަހަލަ ނަމެއްތަ؟ ހެޔޮނުވާނެ އެ ކަހަލަ ނަންތައް ފިލްމުތަކަށް ކިޔާކަށް،" ޖަޔާ ބުންޏެވެ. "އަހަރެން ނުވެސް ދާނަން އެ ބާވަތުގެ ނަންތައް ކިޔާ ފިލްމުތައް ބަލާކަށް ދުވަހަކު ވެސް. ޓޮއިލެޓޭ ކިޔައިގެން ގެނެސްދިނީ ބޮޑު ޕްލޮޕެއް."
ޖުމްލަ 75 ކްރޯޑް ރުޕީސް (8.7 މިލިއަން ޑޮލަރު) ގެ ބަޖެޓަކުން ހެދި "ޓޮއިލެޓް: އޭކް ޕްރޭމް ކަތާ" އަކީ ބޮކްސް އޮފީހުގައި 311.5 ކްރޯޑް ރުޕީސް (36.2 މިލިއަން ޑޮލަރު) ގެ އާމްދަނީއެއް ލިބުނެވެ. އެހެންވެ އެއީ ޖަޔާ ސިފަކުރި ގޮތަށް އެއީ ފްލޮޕެއް ނޫނެވެ.
ފިލްމާ ގުޅޭ ގޮތުން އޭނަ ދެއްކި ވާހަކަތަކާ ގުޅިގެން އޭގެ ޕްރޮޑިއުސަރުންގެ ތެރޭގައި ހިމެނޭ ޕްރޭނާ އަރޯރާ ވަނީ ޖަޔާގެ ވާހަކަތަކުން ވަރަށް ބޮޑު މާޔޫސްކަމެއް ލިބިފައިވާ ކަމަށް ބުނެފަ އެވެ. އޭނަ ބުނީ ޖަޔާ އަކީ ވަރަށް ބޮޑު ފޭނެއް ކަމަށާއި އެކަމަކު "ޓޮއިލެޓް: އޭކް ޕްރޭމް ކަތާ" އާ ބެހޭ ގޮތުން ޖަޔާ ދެއްކި ވާހަކަތައް ބަލައި ނުގަނެވޭނެ ކަމަށެވެ. އަދި އެ ފިލްމަކީ ފްލޮޕެއް ނޫން ކަމަށް ވެސް ޕްރޭނާ ބުންޏެވެ.
"ފިލްމަށް ޓޮއިލެޓް ކީ ރިސްކަކަށް ވެސް ބަލައިގެން. އެކަމަކު މި ފިލްމަކީ ދެހާސް ސަތާރައިގައި އެންމެ ހިނގި އެއް ފިލްމު." އޭނަ ބުންޏެވެ.
ޖަޔާ އަކީ އަބަދު ވެސް ވަރަށް ރުންކުރު އަދި އޭނަ ބުނަން ބޭނުންވާ އެއްޗެއް އެއްވެސް ފަސްޖެހުމެއް ބޭރުކޮށްލަން މަޝްހޫރު ބަތަލާއެކެވެ. ޖަޔާގެ ރުންކުރު މިޒާޖާ ހެދި އޭނަ އާއި އިންޑިއާގެ ޕަޕަރާޒީން ވަރަށް ގިނައިން ކޯޅޭ ތަން ވެސް ފެނެ އެވެ.