ގެވެށި އަނިޔާ އާއި ވަކި ޖިންސެއްގެ މީހަކަށްވާތީ އަނިޔާ ލިބޭ މީހުންނަށް ހާއްސަކޮށްގެން އައްޑޫ ހިތަދޫގައި ހަދަން ހަމަޖެހިފައިވާ ޝެލްޓާ އިމާރާތްކޮށް ދޭނެ ބަޔަކު ހޯދަން ބީލަމަށް ހުޅުވާލައިފި އެވެ.
މިއީ ސަރުކާރުން އޭޝިއަން ޑިވެލޮޕްމަންޓް ބޭންކް (އޭޑީބީ) ގެ އެހީގައި ހިންގާ "ސްޓްރެންތެނިން ޖެންޑަ އިންކްލޫސިވް އިނިޝިއޭޓިވް ޕްރޮޖެކްޓް" ގެ ދަށުން" ހިންގަން ހަމަޖެހިފައިވާ މަޝްރޫއެކެވެ.
ފިނޭންސް މިނިސްޓްރީން ބުނީ ހިތަދޫގައި ހަދާ ޝެލްޓާގެ މަސައްކަތްކޮށް ދޭން ޝައުގުވެރުވާ ފަރާތްތަކަށް ބީލަން ހުށަހެޅުމުގެ ފުރުސަތު އަންނަ މަހުގެ 28 އާ ހަމައަށް ހުޅުވާލާފައިވާ ކަމަށެވެ. ބީލަމުގައި ބައިވެރިވާން ހުޅުވާލާފައި ވަނީ އަންނަ މަހުގެ 24 އާ ހަމައަށެވެ.
ރަޖިސްޓްރޭޝަނަށް 1،500ރ. ގެ ފީއެއް ދައްކަން ޖެހެ އެވެ. ފައިސާ ދައްކާނީ ބަނޑޭރި ޕޯޓަލް މެދުވެރިކޮށެވެ.