އިމިގްރޭޝަން ކޮންޓްރޯލަރުގެ މަގާމުން ރޭ ވަކިކުރި މުހައްމަދު ޝަމާންގެ ގެ ފުލުހުން ރޭ ފާސްކޮށްފައިވާ ކަމަށާއި އެގެއިިން ބައެއް ތަކެއްޗާއި ފައިސާ ވެސް ފުލުހުން ގެންދިޔަ ކަމަށް ބައެއް މީޑިއާތަކުް ރިޕޯޓްކޮށްފި އެވެ.
މީޑިއާތަކުން ބުނި ގޮތުގައި ގެ ފާސްކޮށްފައި ވަނީ ރޭގެ ދަންވަރުގަ އެވެ. ނަމަވެސް އެގެއުް ގެންދިޔައީ ކިހާ އަދަދެއްގެ ފައިސާއެއް ސާފު ނުވާ ކަމަށް މީޑިއާތަކުން ބުނެފައިވެ އެވެ.
ޝަމްއާންގެ ގެ ބަލައި ފާސްކޮށްފައިވާ އިރު އިމިގްރޭޝަނުގެ ބައެއް މުވައްޒަފުން ބިދޭސީ މަސައްކަތްތެރިންގެ އަތުން ނާޖާއިޒު ފައިދާ ހޯދާ ކަމަށް ތުހުމަތު ކުރެވޭ މައްސަލަތަކެއް ބަލާ ކަމަށް ފުލުހުން ރޭ ބުނެފައިވެ އެވެ. އެގޮތުން އެ މައްސަލައިގައި މިދިޔަ ބުދަ ދުވަހުގެ ރޭ ހިންގި އޮޕަރޭޝަނެއްގައި ގެއެއް ބަލައި ފާސްކޮށް، ތިން މީހަކު ފުލުހުންގެ ބެލުމުގެ ދަށަށް ގެންގޮސްފައިވާ ކަމަށް ބުންޏެވެ.
ނަމަވެސް އިތުރު އެއްވެސް ތަފުސީލެއް ނުދެ އެވެ.
ޝަމާން އިމިގްރޭޝަނުން ވަކިކޮށް، ކޮންޓްރޯލަރުގެ މަގާމަށް ރޭ ވަނީ ކުރީގެ ޕޮލިސް ކޮމިޝަނަރު އަހުމަދު ފަސީހް އައްޔަންކޮށްފި އެވެ. ޝަމާން އިމިގްރޭޝަން ކޮންޓްރޯލަރަކަށް މި ސަރުކާރުން އައްޔަންކުރީ ނޮވެމްބަރު 19، 2023 ގަ އެވެ.
އޭނަ އެ މަގާމާ ހަވާލުވެވައިގަތުމާ އެކު މާލެ ސަރަހައްދުގައި ގަވައިދާ ހިލާފަށް އުޅޭ ބިދޭސީން ހޯދަން ބޮޑު އޮޕަރޭޝަނެއް ފަށައި އަންނަނީ ހިންގަމުންނެވެ.