މާލޭގައި ހިންގި އޮޕަރޭޝަނެއްގައި ދޮޅު ކިލޯއަށް ވުުރެ ގިނަ މަސްތުވާތަކެއްޗާ އެކު ހައްޔަރުކުރި ތިން މީހުންގެ ވަނަވަރު އާންމުކޮށްފި އެވެ.
މި މަހުގެ 20 ގައި ހިންގި އޮޕަރޭޝަނުގައި ހައްޔަރުކޮށްފައި ވަނ އައްޑޫ މަރަދޫފޭދޫ، ނަސީމީގޭ މުޙައްމަދު ޝާނީޒް، 46، އާއި މާލެ، މ. ސައިރިއަސް، މުޙައްމަދު ޠިބާޤް، 39، ގެ އިތުރުން ވ. ރަކީދޫ، ޖަންބުގޭ ފަރީދާ ޢަބްދުއްރަޙްމާން، 35، އެވެ.
މަސްތުވާތަކެތި ބޭނުންކޮށް، ގެންގުޅެ އަދި އެ ތަކެތީގެ ވިޔަފާރިކުރާ ކަމަށް ތުހުމަތުކުރެވޭ މައްސަލައާ ގުޅިގެން ކައުންޓަ ނާކޮޓިކްސް އިންޓެލިޖެންސާއި ޑްރަގް އެންފޯސްމަންޓް ގުޅިގެން ހިންގި މި އޮޕަރޭޝަނުގައި އެ މީހުން ހައްޔަރުކޮށް މާފަންނު ގެ އެއްގެ އެޕާޓްމަންޓެއް ބަލައިފާސްކޮށްފައިވެ އެވެ. އެގޮތުން މަސްތުވާތަކެތި ކަމަށް ބެލެވޭ ތަކެތި ފެނިފައިވެ އެވެ.
އެ ތަކެތީގެ ވަގުތީ ބަރުދަން 1.5 ކިލޯއަށް ވުރެ ގިނަ އެވެ.
މި މައްސަލައާ ގުޅިގެން ހައްޔަރުކުރި މީހުންގެ ބަންދާމެދު ގޮތެއް ނިންމުމަށް ކްރިމިނަލް ކޯޓަށް ހާޒިރު ކުރުމުން ޠިބާޤާއި ފަރީދާ 15 ދުވަހަަށް އަދި ޝާނީޒް ފަސް ދުވަހަށް ބަންދުކުރުމަށް އަމުރުކޮށްފައިވެ އެވެ.
މި މައްސަލަ ފުލުހުން އަންނަނީ އިތުރަށް ތަހުގީގު ކުރަމުންނެވެ.