Last Updated: April 3, 22:50
Thursday, April 3, 2025
މުނިފޫހިފިލުވުން

ކެޓްރީނާގެ ކޮއްކޮގެ އާ ފިލްމެއް މެއި މަހު

ބޮލީވުޑްގެ މަޝްހޫރު ބަތަލާ ކެޓްރީނާ ކައިފްގެ ކޮއްކޮ އީޒަބެލް ކައިފްގެ އާ ފިލްމެއް އަންނަ މެއި މަހު ގެނެސްދޭން ނިންމައި، އޭގެ ފުރަތަމަ ޕޯސްޓަރު ދައްކާލައިފި އެވެ.

މެއި 16 ގައި ބެލުންތެރިންނަށް ދޫކޮށްލަން ހަމަޖެހިފައިވާ ފިލްމުގެ ނަމަކީ "ސަސްވަގަތަމް ހުޝާމަދީދު" އެވެ. ދީރަޖް ޑައިރެކްޓްކޮށްފައިވާ މި ފިލްމުގެ ބަތަލަކީ މާ މަޝްހޫރު ނޫން އެކްޓަރެއް ކަމަށްވާ ޕުލްކިޓް ސަމްރާޓެވެ.

"ސަސްވަގަތަމް ހުޝާމަދީދު" އަކީ 2022 ގައި އިއުލާންކުރި ފިލްމެކެވެ.

އީޒަބެލް އެންމެ ފަހުން ފެނިފައި ވަނީ މަޝްހޫރު ކޮރިއޮގްރާފަރު/ޑައިރެކްޓަރު ރެމޯ ޑި ސޫޒާގެ އަންހެނުން ލިޒެލް ޑީ ސޫޒާ ޕްރޮޑިއުސްކޮށް 2021 ގައި ގެނެސްދިން ޑާންސް ފިލްމު "ޓައިމް ޓު ޑާންސް" އެވެ. އޭގެ ބަތަލަކީ އެކްޓަރު އަދިތިޔާ ޕަންޗޯލީގެ ދަރިފުޅު ސޫރަޖް ޕަންޗޯލީ އެވެ.

އީޒަބެލްގެ އާ ފިލްމެއް ބެލުންޔެރިންނަށް ގެނެސްދޭން ތައްޔާރުވަމުން އަންނަ އިރު، އޭގެ ދައްތަ ކެޓްރީނާގެ އެންމެ ފަހުގެ ފިލްމަކީ 2023 ގެ "މެރީ ކްރިސްމަސް" އެވެ.