"ކޭޝް ވަގުފު ފަންޑް" އަށް މޯލްޑިވްސް އިންލަންޑް ރެވެނިއު އޮތޯރިޓީ (މީރާ) މެދުވެރިކޮށް ފައިސާ ޖަމާކުރެވޭނެ އިންތިޒާމު ހަމަޖައްސައިފި އެވެ.
އެ ފަންޑް ގާއިމުކޮށް، ފަންޑުން ހޭދަކުރުމުގެ އުސޫލު އިސްލާމިކް މިނިސްޓްރީން މިދިޔަ ބުދަ ދުވަހު އެވެ.
ފަންޑަށް ސަދަގާތާއި ހައިރާތާއި ހިބައިގެ އިތުރުން ވަސިއްޔަތުގެ ގޮތުން ދޭ ހަދިޔާ ވެސް ބަލައިގަންނާނެ އެވެ. އެބައި ފަންޑުގެ ތެރޭގައި ބަލަހައްޓާނީ ކޭޝް ވަގުފާ ވަކިން ހަރުދަނާ ނިޒާމެއްގެ ތެރެއިން ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވި އެވެ.
"ކޭޝް ވަގުފު ފަންޑް" ފަށާނީ 15 މިލިއަން ރުފިޔާއާ އެކު ކަމަށް ވެސް މިނިސްޓަރު ވިދާޅުވެފަިއވެ އެވެ.
ވަގުފު ކުރެވޭ ފައިސާއަކީ، އެ ފައިސާ ބަލަހައްޓާ ފަރާތުން އިންވެސްޓްކޮށް، ވުނަކޮށް، އޭގެ ސާފު ފައިދާއިން ﷲ ރުހިވޮޑިގަންނަވާ ހެޔޮ ކަންކަމަށް ހޭދަކުރެވޭ އެއްޗެކެވެ.
ޝަހީމް ވިދާޅުވި ގޮތުގައި ވަގުފު ފަންޑަށް ފައިސާ ވަގުފު ކުރެވޭނެ ފުރިހަމަ ނިޒާމެއް ގާއިމުކޮށްފައިވާ އިރު، މީރާގެ ވާރުޕޭ މެދުވެެރިކޮށް ކޭޝް ވަގުފު ފަންޑަށް މިހާރު ފަސޭހަކަމާ އެކު ފައިސާ ޖަމާކުރެވޭނެ އެވެ.