އައްޑޫ ސިޓީ ހިތަދޫގެ ޖަމިއްޔާއެއް ކަމަށްވާ މެދުވަލުސިޓީ ޔުނައިޓެޑް (އެމްސީޔޫ) އިން އިންތިޒާމްކޮށްގެން ކުރިއަށް ގެންދާ “އެމްސީޔޫ ޓީޗާސް ފުޓްސަލް ކަޕް 2015″ ގެ ފުރަތަމަ މެޗް ޝަރަފުއްދީން ސްކޫލުން ކާމިޔާބު ކޮށްފިއެވެ.
ހިތަދޫގައި ފުޓްސަލް ދަނޑުގައި ކުޅުނު މި މިމެޗް ޝަރަފުއްދީން ސްކޫލުން ކާމިޔާބު ކޮށްފައިވަނީ މަރަދޫފޭދޫ ސްކޫލާއި ވާދަކޮށް 4-10 އިންނެވެ.
މިމެޗްގެ މޮޅު ކުޅުންތެރިޔަކަށް ހޮވިފައިވަނީ ޝަރަފުއްދީން ސްކޫލްގެ ޖާޒީ ނަންބަރ 4، އަހްމަދް ފައިސަލް އެވެ.
މިމަހުގެ 12 އިން 21 ގެ ނިޔަލަށް ކުރިއަށް ގެންދާ މި މުބާރާތުގައި ބައިވެރިވާ ފިރިހެން 3 ޓީމަކީ، ޝަރަފުއްދީން ސްކޫލް، މަރަދޫ ފޭދޫ ސްކޫލް އަދި ހިތަދޫ ސްކޫލެވެ.
އަންހެނުންގެ ބައިގައި ބައިވެރިވާ ޓީމުތަކަކީ ކެންގަރޫ ކިޑްސް އާއި ކުދިމާ ޕްރީސްކޫލް ޓީމާއި މަރަދޫ ސްކޫލް، ޝަރަފުއްދީން ސްކޫލް މެދުވަލު ސްކޫލް، ހިތަދޫ ސްކޫލް، އަމާން ޕްރީސްކޫލުގެ އިތުރުން އުޖާލާ ޕްރީސްކޫލުގެ ޓީމެވެ.