Last Updated: April 3, 22:50
Thursday, April 3, 2025
ޚަބަރު

ފުލުހުން ބޭއްވި ޤުރުއާން މުބާރާތް ނިންމާލައިފި

"ވިލިތަރި ޤުރުއާން މުބާރާތް 1446" ގެ ނަމުގައި ވިލިމާލެ ފުލުހުން އިންތިޒާމުކޮށްގެން އެ އަވަށުގެ ކުދިންނަށް މި ރޯދަ މަހު ބޭއްވި ޤުރުއާން މުބާރާތް ނިންމުމުގެ ރަސްމިއްޔާތު ބާއްވައިފި އެވެ.

މި މަހުގެ 18 އާއި 19 އަށް މުބާރާތުގެ ނިމުން ފާހަގަކުރަން ބޭއްވި ރަސްމިއްޔާތުގައި ކޮންމެ އުމުރުފުރައަކުއިން ބަލައިގެން ކިޔެވުމުގެ ގޮފިންނާއި ނުބަލާ ކިޔެވުމުގެ ގޮފިން ވަނަތަކަށް ހޮވުނު ކުދިންނަށް ހަނދާނީ ލިޔުމާއި ފައިސާގެ އިނާމު އަދި މުޅި މުބާރާތުން ދެ ގޮފިން ވަނަތަކަށް ހޮވުނު ކުދިންނަށް ހަނދާނީ ފިލަޔާއި ފައިސާގެ އިނާމު ހަވާލުކޮށްފައިވެ އެވެ.

އަދި މުބާރާތުގައި ފަޑިޔާރުކަން ކޮށްދެއްވި ފަރާތްތަކަށާއި މުބާރާތަށް އެކި ގޮތްގޮތުން އެހީތެރިކަން ފޯރުކޮށް ދިން ފަރާތްތަކަށް ހަނދާނީލިޔުން ދީފައިވެ އެވެ.

އެ ރަސްމިއްޔާތު ޝަރަފްވެރިކޮށް ދެއްވީ ޕޮލިސް ކޮމިޝަނަރު ޢަލީ ސުޖާޢު އެވެ.

"ވިލިތަރި" މުބާރާތުގައި 95 ކުދިން ވާދަކުރި އެވެ. އެއީ 3-5 އަހަރާ ދެމެދުގެ އުމުރު ފުރާގެ 24 ކުދިންނާއި 6-9 އަހަރާ ދެމެދުގެ އުމުރުފުރާގެ 36 ކުދިންނާއި 10-13 އަހަރާ ދެމެދުގެ އުމުރުފުރާގެ 24 ކުދިންގެ އިތުރުން 14-17 އަހަރާ ދެމެދުގެ އުމުރުފުރާގެ 11 ކުދިންނެވެ.