ހަތް ކިލޯ އަށް ވުރެ ގިނަ މަސްތުވާތަކެއްޗާ އެކީ އަތުލައިގަތް 10 މީހުންގެ ވަނަވަރު ފުލުހުން އާންމުކޮށްފި އެވެ.
ރާއްޖެ އަށް މަސްތުވާތަކެތި ރާއްޖެ އަށް އެތެރެކޮށް އެތަކެތީގެ ވިޔަފާރިކުރިކަމުގެ ތުހުމަތުގައި އެ މީހުން ހައްޔަރުކުރީ މި މަހުގެ 21 ވަނަ ދުވަހު ދަންވަރު ހިންގި ޖޮއިންޓް އޮޕަރޭޝަނެއްގައި މާލެ ސަރަހައްދުން ބޯޓެއް ބަލައި ފާސްކޮށެވެ.
އެ އޮޕަރޭޝަންގައި ފުލުހުންނާ އެކު ކަސްޓަމާއި އެމްއެންޑީއެފުން ވެސް ބައިވެރިވި އެވެ. އޮޕަރޭޝަންގައި ހައްޔަރުކޮށްފައިި ވަނީ އިންޑޮނީޝިއާގެ ތިން މީހަކާއި އިންޑިއާގެ ހަތް މީހެކެވެ.
އެ މީހުންނަކީ:
1. އިންޑޮނީޝިއާގެ ނަސްވަން އާދިލް، 30
2. އިންޑޮނީޝިއާގެ އެޑްރިއަންސަޔާ، 25
3. އިންޑޮނީޝިއާގެ މުޙައްމަދު އިޤްބާލް މަކްރޫމް، 30
4. ޕްރަބާކަރަން ނަގަރާޖަން، 35
5. ރޯމަންސް ސަންތިޔާ ފެނާންޑޯ، 58
6. ގަނޭޝް ބޮމްމާލީ، 22
7. ޑަތުކިލޭ ދަރްޝަން ވިޖޭ، 22
8. ޕީޓާ ވިނީ، 28
9. ސަރަން ޕަދްމަން، 28
10. ގޯސިކް ރާޖް ޖޭމްސް ނޮކްސް، 30
މި މީހުންގެ ބަންދާ މެދު ގޮތެއް ނިންމުމަށް ކޯޓަށް ހާޒިރު ކުރުމުން ފަސް މީހަކު ފަސް ދުވަހަށް އަދި އަނެއް ފަސް މީހުން އެއް އެއް ދުވަހަށް ބަންދުކުރުމަށް މުއްދަތު ޖެހި އެވެ. އެއް ދުވަހަށް ބަންދުކުރުމަށް އަމުރު ކުރި މީހުންގެ ބަންދު އިތުރު ކުރުމަށް އިއްޔެ ހާޒިރު ކުރުމުން އެކަކަށް އިތުރު ތިން ދުވަހަށް އަދި ހަތަރު މީހަކު 15 ދުވަހަށް ބަންދުކުރުމަށް އަމުރުކޮށްފައިވެ އެވެ.
މި މައްސަލަ ފުލުހުން އަންނަނީ އިތުރަށް ތަހުގީގު ކުރަމުންނެވެ.