ސ.ހިތަދޫ މެދުވަލު ސިޓީ ޔުނައިޓެޑުން(އެމްސީޔޫ) އިންތިޒާމްކޮށްގެން ކުރިއަށް ގެންދާ “އެމްސީޔޫ ޓީޗާސް ފުޓްސަލް ކަޕް 2015 " ގެ އަންހެނުންގެ ބައިގައި މިއަދު ކުޅުނު މެޗްތައް ކުދިމާ ޕްރީ ސްކޫލާއި މަރަދޫ ސްކޫލުން ކާމިޔާބުކޮށްފިއެވެ.
ކުދިމާ ޕްރީ ސްކޫލުން އެ ޓީމު ކުޅުނު މެޗް ކާމިޔާބު ކޮށްފައިވަނީ ކެންގަރޫ ކިޑްސް އާއި ބައްދަލުކޮށް 0-8 އިންނެވެ. ކުދިމާ ޕްރީ ސްކޫލްގެ ފަރާތުން މޮޅު ކުޅުމެއް ފެނިގެން ދިޔަ މިމެޗްގެ މޮޅު ކުޅުންތެރިޔަކަށް ހޮވިފައިވަނީ އެޓީމުގެ ޖާޒީ ނަންބަރު 5، ފާތިމަތު އަލްމާ އަލީއެވެ.
ޝަރަފުއްދީން ސްކޫލާއި މަރަދޫ ސްކޫލް ބައްދަލުކުރި މެޗް މަރަދޫ ސްކޫލުން ކާމިޔާބު ކުރީ 0-2 އިންނެވެ. އެ މެޗްގައި މަރަދޫ ސްކޫލުން 2 ލަނޑު ވެސް ޖަހާފައި ވަނީ މެޗްގެ އެންމެ ފަހު ވަގުތު ކޮޅުގެ ތެރޭގައެވެ. އެ މެޗްގެ މޮޅު ކުޅުންތެރިޔަކަށް ހޮވިފައިވަނީ މަރަދޫ ސްކޫލްގެ ޖާޒީ ނަންބަރ 7، ފާތިމަތު ނިސްރީން އެވެ.