ލ. އަތޮޅު ސްކޫލްތަށް މާލީ އެހީ ދޭން ނިންމައި އެ އަތޮޅު ކައުންސިލުން އެ ފުރުސަތަށް ހުޅުވާލައިފި އެވެ.
ކައުންސިލުން ނެރުނު އިއުލާނެއްގައި ބުނީ އަތޮޅުގެ ސްކޫލްތަކުން ދެވޭ ތަޢުލީމުގެ ފެންވަރު ރަނގަޅުކޮށް ސްކޫލްތަކުގެ ވަސީލަތްތައް ފުރިހަމަ ކުރުމުގެ މަގުސަދުގައި ކައުންސިލާއި، އަތޮޅު ރަށްރަށުގެ ރަށު ކައުންސިލްތަކާއި، އަތޮޅުގެ ސްކޫލްތައް ގުޅިގެން ކުރާ މަސައްކަތުގެ ތެރެއިން ސްކޫލްތަކުގައި ފުރިހަމަ ކުރަން ހުރި ކަންކަމަށް އެހީތެރިވުމުގެ ޕްރޮގްރާމްގެ ތެރެއިން މާލީ އެހީ ދޭން ހަމަޖެހިފައިވާ ކަމަށެވެ.
މި ފުރުސަތު ހުޅުވައިލީ ޕްރީ ސްކޫލްތައް ވެސް ހިމެނޭ ގޮތަށް ކަމަށް ލ. އަތޮޅު ކައުންސިލުން ބުންޏެވެ.
އެގޮތުން ސްކޫލްތަކުގައި ހިންގަން ބޭނުންވާ ދަރިވަރުންގެ ކިޔެވުމާއި ގުޅޭ ކަންކަން ރަނގަޅުކުރުމަށް ރާވާ ޙަރަކާތްތައް ހިންގުމަށް ބޭނުންވާ އެހީތެރިކަން ހޯދުމަށް އެދި ހުށަހަޅަން ބޭނުންވާ ސްކޫލްތަކުން، އެ ހީއަށް އެދި ހުށަހެޅުމުގެ ފުރުސަތު ހުޅުވާފައި ވަނީ އަންނަ މަހުހެ މަހުގެ 13 އާ ހަމައަށެވެ.
ލ. އަތޮޅު ކައުންސިލުން ދޭ މާލީ އެހީ އަށް އެދެވޭނީ އެ ރަށެއްގެ ކައުންސިލުގެ އެންޑޯސްމަންޓާ އެކީގައި ހުށަހަޅާ ޕްރޮޕޯސަލްތަކާ އެކީގަ އެވެ. ދި އެހީ ދޫކުރާނީ ވެސް އެރަށެއްގެ ކައުންސިލު މެދުވެރިކޮށް އެއްބަސްވުމެއްގައި ސޮއިކުރުމަށް ފަހު އެވެ.