އައްޑޫ ސިޓީގައި އިންޖީނުގޭ ކުރިމަތިން ލިންކް ރޯޑްގައި ނުރައްކާތެރި އެކްސިޑެންޓެއް ހިނގައިފިއެވެ.
އެކްސިޑެންޓް ހިނގި ސަރަހައްދުގައި ހުރި 'އައްޑޫލައިވް'ގެ ނޫސްވެރިޔާ މައުލޫމާތު ދޭ ގޮތުގައި މިއެކްސިޑެންޓް ހިނގާފައިވަނީ ހިތަދޫ އިން ގަމާއި ވީ ކޮޅަށް ދުއްވާފައި ދިޔަ 2 ސައިކަލެއް ޖެހިގެންނެވެ.
މި އެކްސިޑެންޓަގައި ބޮލަށް ސީރިއަސް އަނިޔާތަކެއް ލިބުނު ސ.ހިތަދޫ ވިޖްނީގޭ އިބްރާހިމް ކަލޯ ވަނީ ނިޔާވެފައެވެ.
މަންޒަރު ދުށް މީހަކު 'އައްޑޫލައިވް' އަށް މައުލޫމާތު ދެމުން ބުނިގޮތުގައި މި އެކްސިޑެންޓް ހިނގަން ދިމާވީ ހިތަދޫއާ ވީ ކޮޅަށް ދިޔަ ސައިކަލެއް، އިބްރާހިމް ކަލޯގެ ސައިކަލްގައި ޖެހިގެން ކަމަށެވެ. ހިތަދޫ މަރުކަޒީ އިންޖީނުގޭ ކައިރީގައި ހިނގި މި އެކްސިޑެންޓުގައި، އަނެއް ސައިކަލްގައި ތިބި ސ.މަރަދޫ އަށް ނިސްބަތްވާ ދެ މީހުންނަށް ވެސް އެކިވަރުގެ އަނިޔާ ވެފައިވެ އެވެ. އޭގެ ތެރެއިން ސ. މަރަދޫ ހުދުފަސް އަހުމަދު ހާނިޝްގެ އެެއް އަތް ބިނދިފައިވާއިރު އިތުރު ފަރުވާއަށް އޭނާ މާލެ ގެނައުމުގެ މަަސައްކަތް މިހާރު އަންނަނީ ކުރަމުންނެވެ.
