އައްޑޫ މަރަދޫގެ ނަރުދަމާ ޕަމްޕް ސްޓޭޝަނެއްގެ މަތިގަނޑު ހަލާކުވެ، އެ ހުޅުވި ހާމައަށް ހުރުމުން އެ ސަރަހައްދުގެ ވަސް ނުބައިވެ އާންމުން ޝަކުވާ ކުރަން ފަށައިފި އެވެ.
މި ޕަމްޕް ސްޓޭޝަނަކީ މަރަދޫ އިރުޝާދިއްޔާ ސްކޫލް ހުރި ސަރަހައްދުން ރަށުގެ ފުއްޓަރު ފަރާތުގައި ހުރި ޕަމްޕް ސްޓޭޝަނެކެވެ. މިކަމާ ގުޅިގެން ގިނަ ބަޔަލު ކަންބޮޑުވުން ފާޅުކުރަމުން އަންނަ އިރު، ބައެއް އެ މައްސަލަ ދިމާވެފައިވާތާ މިހާރު ދުވަސްތަކެއްވެ ކަމަށެވެ.
އެހެންވެ އެކަން މަރަދޫ އަވަށު އޮފީހުގެ ސަމާލު ކަމަށް ވެސް ގެނެސްފައިވާ ކަމަށެވެ. ނަމަވެސް އެ ހައްލު ކުރަން އެއްވެސް މަސައްކަތެއް މިހާތަނަށްކޮށްފައި ނުވާ ކަމަށާއި ނަޖިސް ބޭރުކުރާ ޕަމްޕް ސްޓޭޝަން ހުރި ސަރަހައްދުގައި އުޅޭ މީހުންނަށް ވަރަށް ބޮޑަށް އުނދަގޫވަމުންދާ ކަމަށެވެ.
އެގޮތުން ހާއްސަކޮށް ވައިގަދަ ދުވަސް ދުވަހު ވަސްގަނޑު ބޮޑަށް ފެތުރިއެކަމުގެ އެކަން މިހާރު އާންމު އުނދަގުލަކަށްވެފައިވާ ކަމަށް ބައެއް މީހުން ބުންޏެވެ. މީގެ އިތުރުން މަދިރީގެ މައްސަލަ ވެސް އެ ހިސާބުގަނޑުގައި މިހާރު ވަރަށް ބޮޑު ކަމަށް ބައެއް މީހުން ބުންޏެވެ.
ހިޔާލު ފާޅުކުރައްވާ