ތިނަދޫ ސިޓީ ކައުންސިލުން ބައިނަލްއަގުވާމީ ޖަމާއަތަކަކާ ގުޅިިގެން ކުރު މުއްދަތުގެ ސްކޮލަޝިޕް ފުރުސަތުތަކަކަށް ހުޅުވާލައިފި އެވެ.
އެގޮތުން މަސައްކަތްތެރިކަމާއި ފަންނީ ތަމްރީނުގެ 50 ސްކޮލަޝިޕަކަށް ވަނީ ހުޅުވާލައިފަ އެވެ.
ސްކޮލަޝިޕް ޕްރޮގްރާމްގައި ހިމެނޭ ދާއިރާތަކުގެ ތެރޭގައި ސިއްހީ އަދި އިޖުތިމާއީ ރައްކާތެރިކަން، އިމާރާތްކުރުމާއި އިންޖިނިއަރިން، އުނގަންނައި ދިނުމާއި ތައުލީމީ ދާއިރާ، އައިޓީ އާއު ޑިޖިޓަލް ދާއިރާ، އަދި ވިޔަފާރި، މެހުމާންދާރީ އަދި ކަސްޓަމާ ސާވިސްގެ ދާއިރާ ހިމެނެ ށެވެ.
މެއި ނުވަތަ ޖޫން މަހު ފަށަން ހަމަޖެހިފައިވާ އަދި ތިން މަހާއި ހަތަރު މަހާ ދެމެދުގެ މުއްދަތުގެ ސްކޮލަޝިޕްތަކަށް ޝައުގުވެރިވާ ފަރާތްތަކަށް އެޕްލައި ކުރުމުގެ ފުރުސަތު ހުޅުވާލާފައި ވަނީ އަންނަ މަހުގެ 8 އާ ހަމައަށެވެ.
ސްކޮލަޝިޕްތަކަށް ކުރިމަތިލުމުގެ ޝަރުތުތަކުގެ ތެރޭގައި މ އަހަރުގެ ޖަނަވަރީ 1 އަށް 45 އަހަރު ނުފުރޭ އަދި ގްރޭޑް 10 ނިންމާފައިވުން ހިމެނެ އެވެ.
ފުރުސަތު ހުޅުވައިލީ ތިނަދޫގައި ރަށްވެހިވެފައިވާ ނުވަތަ ރަށްވެހިކަން ބަދަލު ކުރަން ބޭނުންވާ މީހުންނަށެވެ.
ސްކޮލަޝިޕްތަކާ ބެހޭ މައުލޫމާތު ދިނުމުގެ ސެޝަނެއް އަންނަ ހޮނިހިރު ދުވަހުގެ ރޭ 9:15 ގައި ތިނަދޫ އާބާދީ މަރުކަޒުގައި އޮންނާނެ އެވެ.
ތިނަދޫ ކައުންސިލުން ބުނީ މި ސްކޮލަޝިޕް ފުރުސަތުތަކަކީ ތިނަދޫގެ ރައްޔިތުންގެ މަސައްކަތްތެރިކަމުގެ ޤާބިލުކަން އިތުރުކޮށް، އާމްދަނީ ލިބޭނެ ފުރުޞަތުތައް ފަހިކޮށް ދިނުމަށް ކައުންސިލުން ކުރަމުން އަންނަ މަސައްކަތުގެ ތެރެއިން ހުޅުވައިލި ފައިވާ ފުރުސަތުތަކެެއް ކަމަށެވެ.
ސްކޮލަރޝިޕްތަކަށް ހޮވޭ ފަރާތްތައް އަންނަ މަހުގެ ނަންތައް 11 ގެ ކުރިން އިއުލާން ކުރާނެ އެވެ.