ވެލާނާ އިންޓަނޭޝަނަލް އެއާޕޯޓް (ވީއައިއޭ) ގެ ޑިޕާޗާ ޓާމިނަލުން ސިނގިރޭޓް ކާޓޫނުތަކެއް ބޭރުކުރަން އުޅުނު މައްސަލާގައި ހައްޔަރުކުރި މީހުންގެ ތެރޭގައި ހިމެނޭ ފުލުސް މީހާ ވަޒީފާ އިން ސަސްޕެންޑްކޮށްފި އެވެ.
ފުލުހުން ރޭ ބުނި ގޮތުގައި ސަސްޕެންޑްކުރީ ސާޖަންޓް ޔޫސުފް ނަޒީރު، 38 އެވެ. ފުލުހުން ބުނީ ނަޒީރު ފުލުހުންގެ ވަޒީފާއިން ސަސްޕެންޑްކުރީސަސްޕެންޝަނުގެ މުއްދަތުގައި މުސާރަ ނުލިބޭ ގޮތަށް ކަމަށެވެ.
ސިނގިރެޓް ބޭރު ކުރަން އުޅުނު މައްސަލައިގައި އޭނަައާ އެެކު ދެން ހައްޔަރުކުރީ މ. ސިލްވާނެސްޓް އަހުމަދު އަފްޒަލް، 45، އެވެ.
އޭނަ އާއި އަފްޒަލްގެ ބަންދާ މެދު ގޮތް ނިންމަން ކްރިމިނަލް ކޯޓަށް ހާޒިރު ކުރުމުން ޝަރުތުތަކެއް ކުރުމަށް ފަހު ދެ މީހުން ވެސް ވަނީ ދޫކޮށްލައިފަ އެވެ.
ފުލުހުން އަންނަނީ މައްސަލަ އިތުރަށް ތަހުގީގު ކުރަމުންނެވެ.