އިމިގްރޭޝަންގެ ކޮންޓްރޯލަރުގެ މަގާމުން ވަކިކޮށް މިހާރު ހައްޔަރުކޮށް ހުންނެވި މުހައްމަދު ޝަމްއާންގެ ބަންދުކުރި މައްސަލަ ހައި ކޯޓްގައި އިސްތިއުނާފުކޮށްފި އެވެ.
އޭނަގެ ވަކީލުންގެ ފަރާތުން އެކަން ކޯޓަށް ހުށަހެޅީ އިއްޔެ އެވެ. އެކަން ކޯޓަށް ހުށަހެޅިކަން ހައި ކޯޓުން ކަށަވަރުކޮށް ދިން ނަމަވެސް އިތުރު ތަފުސީލެއް ނުދެ އެވެ.
ގަވާއިދާ ހިލާފަށް އުޅޭ ބިދޭސީން ހޯދަން އިމިގްރޭޝަނުން ކުރިިއަށް ގެންދާ އޮޕަރޭޝަންގެ ތެރޭގައި ބިދޭސީންގެ އަތުން ފައިސާ ނަގާކަމުގެ ތުހުމަތުތަކަކާ ގުޅިގެން ޝަމާން މަގާމުން ވަކިކުރީ މި މަހުގެ 21 ވަނަ ދުވަހު އެވެ. އަދި އޭނަ ހައްޔަރުކޮށް ބަންދަށް 15 ދުުވަސް ޖެހީ 23 ވަނަ ދުވަހު އެވެ.
ޝަމާނާ އެކު އިމިގްރޭޝަންގެ އިތުރު ހަތަރު މުވައްޒަފަކު ވެސް ހައްޔަރުކޮށްފައިވެ އެވެ.
ޝަމާން އިމިގްރޭޝަން ކޮންޓްރޯލަރުގެ މަގާމަށް އައްޔަންކުރީ ނޮވެމްބަރު 19، 2023 ގަ އެވެ. އޭނަ މަގާމުން އެ މަގާމަށް މި މަހުގެ 21 ގައި ވަނީ ކުރީގެ ޕޮލިސް ކޮމިޝަނަރު މުހައްމަދު ފަސީހު އައްޔަންކޮށްފަ އެވެ.