ތިން ރަށެއްގައި ކޮމިޔުނިޓީ ބޭސްޑް ރިހެބިލިޓޭޝަން ސެންޓަރު ހަދަން ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) އާ ހަވާލުކޮށްފި އެވެ.
އެ ތިން ރަށަކީ ނ. ވެލިދު އާއި ކ. ކާށިދޫގެ އިތުރުން ލ. ގަމެވެ.
ތިން ރަށުގެ ސެންޓަރު ހަދަން އާރްޑީސީއާ ހަވާލުކުރުމުގެ އެއްބަސްވުމުގައި އިއްޔެ ނެޝަނަލް ޑްރަގް އެޖެންސީ އެންޑީއޭ) ގެ ފަރާތުން ސޮއިކުރެއްވީ އެކްޓިން ސީއީއޯ މުހައްމަދު ރާޝިދު (ރާޑޯ) އެވެ. އާރްޑީސީގެ ފަރާތުން ސޮއިކުރެއްވީ މެނޭޖިން ޑިރެކްޓަރު ބްރިގޭޑިއާ ޖެނެރަލް (ރިޓަޔާޑް) އަލީ ޒުހެއިރެވެ.
މަސްތުވާތަކެތި ބޭނުންކުރާ މީހުންނަށް ފަރުވާ ދިނުމުގެ ކަންކަން ފުޅާކުރުމަށް އެންޑީއޭ އިން މިހާރު ގިނަ މަސައްކަތްތަކެއްކޮށް ކުރަމުން އަޖންނަ އިރު މިކަން މުޅި ރާއްޖެ އަށް ފުޅާކުރަން ހާއްސަ ސަމާލު ކަމެއް ދީފައިވެ އެވެ. އެގޮތުން ކ. ހިންމަފުށީގެ ރިހިބިލިޓޭޝަން ސެންޓަރުގެ ޖާގަ އިތުރު ކުރުމުގެ މަސައްކަތް ވެސް އަންނަނީ ކުރަމުންނެވެ.
މަސްތުވާތަކެތީގެ މައްސަލަ އަކީ ރާއްޖޭގެ އެންމެ ބޮޑު އިޖުތިމާއީ ވަބާ އެވެ.