Last Updated: April 3, 22:50
Thursday, April 3, 2025
ޚަބަރު

ޑްރަގް 14 އައްޑާއެއް ބަންދުކޮށްފި

މާލެ ސަރަހައްދުގައި ކެފޭގެ އުސޫލުން މަސްތުވާތަކެތީގެ ވިޔަފާރި ކުރަމުން އައި 14 ތަނެއް މި އަހަރުގެ މިހާތަނަށް ބަންދުކޮށްފި އެވެ.

ޗީފް އިންސްޕެކްޓަރި އޮފް ޕޮލިސް، އަޙުމަދު ނާއިފް ވިދާޅުވީ މި މަހުގެ 15 އާ ހަމައަށް 14 ތަނެއް ބަންދުކޮށްފައިވާ ކަމަށާއި މިވަގުތު މާލޭގައި މިފަދަ ހަ ތަނެއް އަދިވެސް އޮޕަރޭޓްވަމުންދާ ކަމަށެވެ. އަދި އެ އެތަންތަން ބަންދުކުރުމަށް ގޮންޖެހުންތަކެއް ހުރި ކަމަށް ވިދާޅުވި އެވެ.

ނާއިފް އިތުރަށް ވިދާޅުވި ގޮތުގައި، މިހާތަނަށް މާލެއިން 60 އަށްވުރެ ގިނަ ޑްރަގް އައްޑާތަކެއް ފާހަގަކުރެވިފައިވެ އެވެ. އަދި އެފަދަ ތަންތަން ބަންދުކުރުމުގައި ހުރި ގޮންޖެހުންތަކުގެ ތެރޭގައި ގޭގެ ބެހެނިވެރިން އިތުރުވުމާއި، އާއިލީ މީހުން ހެކިބަސް ދިނުމުގައި ފަސްޖެހުމާއި، ގިނަ ބަޔަކަށް އެގްރިމަންޓްކޮށްފައި ހުރުމުން ފިޔަވަޅު އަޅަން ޖެހޭ ފަރާތް ދެނެގަތުމުގައި ހުރި ދަތިތައް ހިމެނެ އެވެ.

އޭނަ ވިދާޅުވީ އެފަދަ ތަންތަން ބަންދުކުރުމުގައި އެންމެ ބޮޑު ގޮންޖެހުމަކީ މަސްތުވާތަކެއްޗާ ބެހޭ ގާނޫނު މިހާރު އޮތްގޮތުން ހުރި ހުރަސްތައް ކަމަށެވެ. އެހެން އެކަން ހައްލުކުރުމަށްޓަކައި، މަސްތުވާތަކެއްޗާބެ ހޭ ގާނޫނަށް އިސްލާހުތަކެއް ހުށަހަޅާފައިވާ ކަމަށް ވިދާޅުވިއެވެ.

އެ އިސްލާހުތަކުގެ ތެރޭގައި، މިފަދަ ތަންތަން ކޯޓު އަމުރަކާ ނުލައި 72 ގަޑިއިރަށް ފުލުހުންނަށް ބަންދު ކުރެވޭ ގޮތަށް ހަމަޖެއްސުމާއި، ގިނަވެގެން 90 ދުވަހަށް ބަންދުކުރުމަށް ކޯޓަށް އަމުރުކުރެވޭނެ ގޮތް ހެދުން ހިމެނެ އެވެ.