މަޝްހޫރު ދީނީ އިލްމުވެރިޔާ ޝެއިހް ޑރ. އިލްޔާސް ހުސައިންގެ މަންމަ މިރޭ ނިޔާވެއްޖެ އެވެ.
އުމުރުން 91 އަހަރުގައި އައިޝަތު ދިޔެ އަވާހަރަވީ މިރޭ އައްޑޫ އިކުއަޓޯރިއަލް ހޮސްޕިޓަލުގައި ފަރުވާ ދެމުން ދަނިކޮށެވެ.
ކަށުނަމާދު ބޭއްވުމަށް ހަމަޖެހިފައިވަނީ މާދަމާ އީދު ނަމާދަށް ފަހު އައްޑޫ ސިޓީ ހިތަދޫ މަސްޖިދުލް އިކްރާމް (ފަޒާ މިސްކިތް)ގަ އެވެ.
ޝެއިހް އިލްޔާސްގެ މަންމަ އަވަހާރަވުމާއި ގުޅިގެން އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވަނީ ޝެއިހް އިލްޔާސްގެ މަންމަ ނިޔާވުމުގެ ހިތާމައިގައި ބައިވެރިވެ، މައްޔިތާއަށް ހެޔޮ ރަހުމަތްލައްވައި ސުވަރުގޭގެ މަތިވެރި ނިއުމަތް ލެއްވުން އެދި ދުއާ ކުރައްވާފަ އެވެ.