މިއީ ފިޠުރު ޒަކާތުގެ ގޮތުގައި އެންމެ ގިނަ ފައިސާ ލިބުނު އަހަރު ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެ އެވެ.
ޝަހީމް ވިދާޅުވީ ޒަކާތް ބަލައިގަތުމުގެ ވަގުތު ހަމަވިިއިރު މުޅި ރާއްޖެއިން 13،264،819ރ. ލިބިފައިވާ ކަމަށެވެ. މިއީ ރެކޯޑު އަދަދެކެވެ.
ޒަކާތުގެ ގޮތުގައި މިދިޔަ އަހަރު 12،594،777ރ. އަދި 2023 ވަނަ އަހަރު 12،691،506ރ. ލިބިފައިވެ އެވެ.
މިއަހަރަކީ ފިޠުރު ޒަކާތުގެ ގޮތުގައި އެންމެ ގިނަ ފައިސާ ލިބުނު އަހަރު. އަދި ދަފްތަރު ކުރެވިފައިވާ ފަޤީރުންނަށަ އެއް ހަމައަކުން އެންމެ ގިނަ ފައިސާ ޖަމާކުރެވުނު އަހަރު. ދިވެހި ލޮބުވެތި ރައްޔިތުންނަށް ޝުކުރު ދަންނަވަން. pic.twitter.com/kVpmCoM8XV
— Mohamed Shaheem Ali Saeed (@Mohamedshaheem1) March 29, 2025
ފިތުރު ޒަކާތުގެ ގޮތުގައި ލިބުނު ފައިސާގެ ތެރެއިން ފަގީރުންގެ ދަފްތަރުގައި ހިމެނޭ ކޮންމެ މީހަކަށް 4،500ރ. ދިނުމަށް ވަނީ ނިންމާފަ އެވެ. އަދި 5 ލައްކަ ރުފިޔާ ފަލަޞްޠީނުގެ ގާޒާގެ ކުޑަކުދިންގެ ކާބޯ ތަކެއްޗަށް ހަދިޔާ ކުރުމަށް ނިންމާފައިވާ ކަމަށް ޝަހީމް ރޭ ވަނީ ވިދާޅުވެފަ އެވެ.