އަވައްޓެރި ސްރީ ލަންކާގައި ދިރިއުޅޭ ދިވެހިންގެ އަދަދު ވަރަށް ބޮޑަށް ދަށްވެފައިވާ ކަމަށް އެ ގައުމުގެ ބައެއް މީޑިއާތަކުން ރިޕޯޓްކޮށްފި އެވެ.
'ސްރީ ލަންކާ ގާޑިއަން' އިން ބުނެފައި ވަނީ 2019 ގެ ނިޔަލަށް އެ ގައުމުގައި 8،000 އެއްހާ ދިވެހިން ދިރިއުޅުނު ކަމަށެވެ. ނަމަވެސް އޭގެ ފަހުން އިރު 1،280 އަށް ދަށްވެފައިވާ ކަމމަށް ބުންޏެވެ. ލަންކާގައި އުޅޭ މަދުވާން ފެށީ 2019 ގެ އީސްޓައާ ދިމާކޮށް ލަންކާގެ ފައްޅިތަކަށް ދިން ޓެރަރިސްޓް ހަމަލާތަލާ ގުޅިގެން އެ ގައުމުގައި އުޅޭ މީހުންނަށް ނުރައްކާވާން ފެށުމާއި ވިސާގެ އުސޫލަށް ގެނައި ބަދަލުތަކަކާ ގުޅިގެންނެވެ.
މީގެ ކުރިން އަހަރަކު އެތައް ފަހަރަކު އެތެރެވެވޭ ގޮތަށް ލަންކާ އިން ދިވެހިންނަށް އޮން-އެރައިވަލް ވިސާ ދިން ނަމަވެސް ސަރުކާރުން ފަހުން ވަނީ އެ މުއްދަތު ހަ މަސް ދުވަހަށް ކުރުކޮށްފަ އެވެ.
މީޑިއާތަކުން ބުނީ ލަންލާގައި އުޅޭ ދިވެހި އާބާދީ ދަށްވަމުންދާ އިރު، ދިވެހިން މިހާރު އެންމެ ގިނައިން ބަދަލުވަނީ ލަންކާ ދޫކޮށް އިންޑިއާ އާއި މެލޭޝިއާއަށެވެ.
ލަންކާ އަކީ ރާއްޖެއާ އެންމެ އަވަައްޓެރި އެއް ގައުމެވެ.