* ބޭނުންވާ ތަކެތި:
4 ފޮތި ޕާން
3 ސައި ސަމުސާ މުގުރި އަސޭމިރުސް
1/2 ސައި ސަމުސާ ގިތެޔޮ މިރުސް (ހިމުންކޮށް ކޮށާފައި)
1/4 ޖޯޑު ހުންނަހާ ފެލިވަރު މަސް
2 ފޮތި ކިއުކަމްބާ
1/2 ސައި ސަމުސާ ލުނބޯހުތް
2 ފޮތި ޓޮމާޓޯ
2 ފަތް ލެޓިއުސް
1 ފޮތި ސްޕައިސް ޗީޒް
2 ބިސް (ގިރާފައި)
2 މޭޒުމަތީ ސަމުސާ ފިޔާ (ހިމުންކޮށް ކޮށާފައި)
ލޮނު ކޮޅެއް
ބަޓަރުކޮޅެއް
މެޔޮނައިޒް
* ތައްޔާރު ކުރާނެ ގޮތް:
ބިހުގެ ތެރެއަށް ލޮނުކޮޅެއް ލައިފައި ބިސްގަނޑެއް އަޅާލާށެވެ.
ފިޔާ، މިރުސް އަސޭމިރުސް ލޮނު ހުތް އެއްކޮށްފައި ރަނގަޅަށް މިކްސްކޮށްލާށެވެ. ރަހަ ދޭ ވަރަށް މެޔޮނައިޒްކޮޅެއް އެއްކޮށްލާށެވެ. ދެން ޕާންފޮތިތައް ޓޯސްޓްކޮށްލާފައި ޕާން ދެ ފޮތީގައި މެޔޮނައިޒްކޮޅެއް ހާކާފައި އަނެއް ދެ ފޮތީގައި ބަޓަރުކޮޅެއް ހާކާލާށެވެ.
ޕާން ފޮއްޗެއްގެ މަތީގައި މަސް ފަތުރާފައި އަނެއް ޕާން ފޮތި ތަތްކޮށްފައި. ތަތްކުރި ޕާން ފޮތި މަތީގައި ބިސްގަނޑު ހަތަރެސްކަން ކޮށްފައި ޕާން ފޮތި މަތީގައި ބާއްވާށެވެ. އަނެއް ޕާން ފޮތި ބިސްގަނޑު ލީ ޕާން ފޮތި މަތީގައި ބޭއްވުމަށް ފަހު ދެ ފޮތި ކިއުކަމްބާ އާއި ދެ ފޮތި ޓޮމާޓޯ އާއި ލެޓިއުސް އަތުރާލާފައި ޗީޒްފޮތި ލައިފައި އަނެއް ޕާން ފޮތި ބާއްވާލާށެވެ.
ދެން ހަތަރު ބަޔަށް ކަފާލާށެވެ.