ރާއްޖޭގެ ފުރަތަމަ ޑިވިޝަންގެ ޓީމެއްކަމުގައިވާ ވިކްޓްރީ ސްޕޯޓްސް ކްލަބްގެ ފުޓްބޯޅަ ޓީމް މީދުއަށް ގޮސްފިއެވެ.
ވިކްޓްރީގެ ޓީމް މީދުއަށް ދިއުމުން އެޓީމުގެ ކުޅުންތެރީންނަށާއި އޮފިޝަލުންނަށް މަރުޚަބާ ކިޔުމަށް ބަނދަރު ސަރަހައްދަށް މީދޫ ފުޓްބޯޅަ ޓީމުގެ ކުޅުންތެރިންނާއި އެރަށު ޝަރީފީ ޕްރީސްކޫލްގެދަރިވަރުން ގޮސްފައިވެއެވެ.
ވިކްޓްރީގެ ޓީމު އެރަށަށް ދިޔައީ މީދޫ ފުޓްބޯޅަ ޓީމާއިއެކު މިއަދު ހަވީރު އެކުވެރިކަމުގެ ފުޓްބޯޅަ މެޗެއް ކުޅުމަށެވެ. މިމެޗް އޮންނާނީ މިއަދު ހަވީރު 4:00 ގައި މީދޫ ފުޓްބޯޅަ ދަނޑުގައެވެ.
މިއަދު ކުޅެވޭ މެޗަކީ ރާއްޖޭގެ ފުރަތަމަ ޑިވިޝަންގެ ޓީމެއް މީދުއަށް އައިސް މިފަދަ މެޗެއް މީދޫގައި ކުޅޭ ފުރަތަމަ ދުވަސްކަމަށްވުމުން މިމެޗްގެ ކުޅުން ބެއްލެވުމަށް ވީހާވެސް ގިނަބަޔަކު މީދޫ ފުޓްބޯޅަ ދަނޑަށް ހާޒިރުވުމަކީވެސް މިމެޗް އިންތިޒާމްކުރާފަރާތުން އެދިލައްވައެވެ.