Last Updated: April 4, 21:41
Friday, April 4, 2025
ޚަބަރު

މިއަހަރުގެ މިހާތަނަށް އެކްސިޑެންޓުގެ 762 މައްސަލަ

މި އަހަރުގެ މިހާތަނަށް ފުލުހުންނަށް އެންމެ ގިނައިން ހުށަހަޅާފައިވަނީ ޓްރެފިކް އެކްސިޑެންޓުގެ މައްސަލަތައް ކަމަށް ފުލުހުންގެ ތަފާސްހިސާބުތަކުން ދައްކައިފި އެވެ.

ފުލުހުންގެ ތަފާސް ހިސާބުތައް ދައްކާގޮތުން މިއަހަރުގެ މިހާތަނަށް 762 އެކްސިޑެންޓުގެ މައްސަލަ ރިޕޯޓުކޮށްފައިވާއިރު، ދެވަނަ އަށް އެންމެ ގިނައީ ވައްކަމާއި ގުޅުންހުރި މައްސަލަތަކެވެ. އެގޮތުން ވައްކަމާ ގުޅުންހުރި 667 މައްސަލަ ވަނީ ރިޕޯޓުކޮށްފަ އެވެ.

ފުލުހުންގެ ތަފާސްހިސާބުތަކުން ދައްކާގޮތުގައި މިދިޔަ މަހު އެކަނިވެސް އެކްސިޑެންޓުގެ 233 މައްސަލަ ވަނީ ރިޕޯޓުކޮށްފަ އެވެ.

ފަހަކަށް އައިސް މާލެ އާއި ހުޅުމާލޭގައި ހިނގާ އެކްސިޑެންޓްތައް ވަރަށް ބޮޑަށް އިތުރުވެފައިވާތީ ޓްރެފިކް ފުލުހުންގެ ދައުރު ކުރިއަށް ވުރެ މިހާރު ބޮޑުކޮށްފައިވެ އެވެ. އެގޮތުން މަގުމަތީގައި ހަރަކާތްތެރިވާ އިރު، ކޮންމެ ފަސް މިނެޓަކުން ފުލުހަކާ ދިމާވާ ގޮތަށް ފުލުހުން އިތުރުކޮށްފައިވެ އެވެ.