Last Updated: April 3, 22:50
Thursday, April 3, 2025
ޚަބަރު

ބޭބެ އަށް ހަމަލާ ދިން މީހާ ހައްޔަރުކޮށްފި

ޒުވާބެއްގެ ތެރޭގައި މާރާމާރީ ހިންގައި ބޭބެ އަށް ހަމަލާދީ ޒަހަމްކޮށްލި މީހާ ފުލުހުން ހައްޔަރުކޮށްފި އެވެ.

އެ މައްސަލައިގައި ހައްޔަރުކުރީ ރ. މަޑުއްވަރީ ބީޗް ހައުސް އިސްމާއީލް އާސިފް، 35، އެވެ. ފުލުހުން މިއަދު މީޑިއާތަކަށް ފޮނުވި މެސެޖެއްގައި އެކަން ކަށަވަރުކޮށް ދިން ނަމަވެސް އިތުރު ތަފުސީލެއް ނުދެ އެވެ. ނަމަވެސް ރޭ 10:30 އެހާކަށްހާ އިރު، ހިނގި މާރާމާރީގެ މައުލޫމާތު ފުލުހުންނަށް ލިބުނީ ރޭ 11:30 އެހާކަށްހާ އިރު ކަމަށް ފުލުހުން ބުންޏެވެ.

އާސިފް އޭނަގެ އެއްބަނޑު އެއްބަފާ ބޭބެ މުހައްމަދު މުއީނަށް ވަޅިއަކަށް ދިން ހަމަލާގައި ބޮލުގެ ދެ ޒަހަމްކޮށްލާފައިވެ އެވެ. އޭނަ އަށް ރޭ މަޑުއްވަރީ ސިއްހީ މަރުކަޒުން ފަރުވާ ދިނުމަށް ފަހު މެންދަމު 3:20 ހާއިރު ވަނީ އުނގޫފާރު ހޮސްޕިޓަލަށް ގެންގޮސްފަ އެވެ.

މި މައްސަލަ ފުލުހުން އަންނަނީ އިތުރަށް ތަހުގީގު ކުރަމުންނެވެ.

އާސިފަކީ މީގެ ކުރިން ވެސް ވަޅިއަކުން މީހަކަށް ހަމަލާ ދިން މައްސަލައެއްގައި 10 އަހަރުގެ ޖަލު ހުކުމެއްގައި ހުއްޓައި، ދޫކޮށްލާފައިވާ މީހެކެވެ.

އެގޮތުން ނޮވެމްބަރު 22، 2019 ގައި ލަނޑާ ނަގަން އުޅުމުގެ ތެރޭގައި މަޑުއްވަރީ، ފެހިއަލި، އިސްމާއިލް ހައްމާދުއާ ދެމެދު އުފެދުނު ދެބަސްވުމެއްގައި އޭނަ އަށް އާސިފު ދޯންޏެއްގެ ތެރޭގައި ވަޅިން ހަމަލާދީ މޫދަށް އެއްލައިލި މައްސަލާގައި 10 އަހަރަށް ޖަލަށް ލާން ހުކުމްކުރީ ސެޕްޓެމްބަރު 2022 ގަ އެވެ.