ކާށިދޫ ފަޅުގައި ވެސް ރިސޯޓެއް ހަދަން ބީލަމަށް

ކ. ކާށިދޫ ފަޅުގައި ވެސް ރިސޯޓެއް ތަރައްގީކޮށް ހިންގާނެ ބަޔަކު ހޯދަން ބީލަމަށް ހުޅުވާލައިފި އެވެ.

ޓޫރިޒަމް މިނިސްޓްރީން ބުނީ އެކަމަށް ޝައުގުވެރިވާ ފަރާތްތަކަށް ބީލަން ހުށަހެޅުމުގެ ފުރުސަތު ޖޫން މަހުގެ 5 އާ ހަމައަށް ހުޅުވާލާފައިވާ ކަމަށެވެ. މިކަމާ ގުޅޭ ގޮތުން ބާއްވާ މައުލޫމާތު ދިނުމުގެ ސެޝަނެއް މި މަހުގެ 15 ވަނަ ދުވަހުގެ ހެނދުނު 10:00 އާއި މެއި މަހުގެ 6 ވަނަ ދުވަހުގެ ހެނފުނު 10:00 ގައި ޒޫމް މެދުވެރިކޮށް އޮންނާނެ އެވެ.

އެ ސެޝަންތަކުގައި ބައިވެރިވާން މި މަހުގެ 14 ވަނަ ދުވަހާއި އަންނަ މަހުހެ 5 ވަނަ ދުވަހުގެ 12:00 ގެ ކުރިން ޓޫރިޒަމް މިނިސްޓްރީގެ އީމެއިލް planning@tourism.gov.mv އަށް ނަމާއި، އީމެއިލް އެޑްރެސް، އަދި ފޯން ނަންބަރު މެެއިލް ކުރަން ޖެހެ އެވެ.

ކާށިދޫ ފަޅުގައި ރިސޯޓެއް ތަރައްގީ ކުރަން ހަމަޖެހިފައި ވަނީ 10 ހެކްޓަރުގެ ރަށެއް ހިއްކައިގެންނެވެ.