ކުރީގެ އަނބިމީހާ އަށް ބިރުދައްކައި ބްލެކްމެއިލް ކުރި މައްސަލައިގައި މީހަކު ހައްޔަރުކޮށްފި އެވެ.
އެ މައްސަލާގައި ހައްޔަރުކުރީ މާލެ، ދަފުތަރު ނަމްބަރު ރސ. 1704 މުހައްމަދު ޒުބައިރު، 57، އެވެ. އޭނަގެ މައްޗަށް ކޮށްފައިވަނީ ހުއްދަ ނެތި ގޯތިގެދޮރަށް ވަނުމާއި، އޮރިޔާން ކާޑު ގެންގުޅުމާއި، ބްލެކްމެއިލް ކުރުމާއި، ބިރުދެއްކުމުގެ ތުހުމަތެވެ.
ޒުހައިރުގެ ބަންދު އަމުރުގައިވާ ގޮތުން އެ މީހާ ކުރީގެ އަނބިމީހާ އަށް ބިރުދައްކައި ބްލެކްމެއިލް ކުރިކަމުގެ ހެކި ފުލުހުން ހުށަހަޅާފައިވެ އެވެ. އެގޮތުން ހާދިސާގެ ރިޕޯޓާއި، އަނިޔާ ލިބުނު މީހާގެ ބަޔާނުގެ އިތުރުން، އިތުރު ހެކި ތައްވެސް ހިމެނޭ ކަމަށް އަމުރުގައިވެ އެވެ.
މުޖުތަަމައުގެ ސަލާމަތަށް ނުރައްކަލެއް ކުރިމަތިވެދާނެ ކަމަށް ފެންނާތީ ކްރިމިނަލް ކޯޓުން ވަނީ އެ ޒުހައިރު 10 ދުވަހަށް ބަންދުކޮށްފަ އެވެ.