ރޯދަ މަހު ފިތުރު ޒަކާތުގެ ގޮތުގައި ލިބުނު ފައިސާގެ ތެރެއިން ފަލަސްތީނުގެ ގާޒާގެ ކުޑަކުދިންނަށް ހަދިޔާ ކުރުމަށް ނިންމި 500،000ރ. އިސްރާ އެސޯސިއޭޝަނާ ޒަކާތު ހައުސް އިން ހަވާލުކޮށްފިއެވެ.
އިސްލާމިކް މިނިސްޓްރީން ބުނީ އެ ފައިސާ އެ ޖަމިއްޔާއާ ހަވާލުކުރީ މިދިޔަ އާދީއްތަ ދުވަހު ކަމަށެވެ.
މި އަހަރުގެ ފިތުރު ޒަކާތަށް 13.3 މިލިއަން ރުފިޔާ ލިބުނެވެ. މިއީ އެންމެ ގިނައިން ފިތުރު ޒަކާތަށް ފައިސާ ލިބުނު އަހަރު ވެސް މެ އެވެ. އެހެންވެ ފަގީރުންގެ ދަފުތަރުގައި ހިމެނޭ ކޮންމެ ފަގީރެއްގެ ބޮލަކަށް މި އަހަރު ބެހީ 4،500ރ. އެވެ.
ގާޒާގެ ކުޑަކުދިންނަށް ހާއްސަކޮށްގެން ޒަކާތުން 500،000ރ. ހަދިޔާކުރި އިރު، ރާއްޖެ އިން މިހާތަނަށް ގާޒާ އަށް އެތައް ގޮތަކުން އެހީވެފައިވެ އެވެ.