އެމްސީޔޫ ޓީޗަރސް ފުޓުސަލް 2015 ގައި އިއްޔެ ކުޅުނު މެޗްތަކުން ކުދިމާ ޕްރީސްކޫލާއި މަރަދޫ ފޭދޫ ސްކޫލް މޮޅުވެއްޖެއެވެ.
މުބާރާތުގެ އަންހެނުންގެ ބައިގައި، ކުދިމާ ޕްރީ ސްކޫލުން އެޓީމު ކުޅުނު މެޗް ކާމިޔާބު ކޮށްފައިވަނީ މަރަދޫ ސްކޫލާއި ބައްދަލުކޮށް 1-2 އިންނެވެ. މިމެޗްގައި ކުދިމާ ޕްރީ ސްކޫލުގެ ދެލަނޑު ވެސް އެޓީމަށް ކާމިޔާބު ކޮށްދިނީ މެޗުގެ މޮޅު ކުޅުންތެރިޔާގެ މަގާމަށް ހޮވުނު ފާތިމަތު އަލްމާ އަލީއެވެ.
މަރަދޫފޭދޫ ސްކޫލުން އެޓީމު މެޗް ކާމިޔާބު ކޮށްފައިވަނީ ހިތަދޫ ސްކޫލާއި ކުޅެ 2-6 އިންނެވެ. މި މެޗްގެ މޮޅު ކުޅިންތެރިޔަކަށް ހޮވިފައިވަނީ މަރަދޫ ފޭދޫ ސްކޫލްގެ ނާއިމެވެ. އޭނާ ވަނީ އެޓީމަށް 3 ލަނޑު ޖަހައިދީފައެވެ.
އެމްސީޔޫގެ ފަރާތުން ކުރިއަށް ގެންދާ މި މުބާރާތަކީ އައްޑޫ ސިޓީގައި ޓީޗަރުންނަށް އަމާޒުކޮށްގެން ބާއްވާ މިފަދަ ފުރަތަމަ މުބާރާތެވެ.