އޯޓިޒަމް ހުންނަ ފަރާތްތަކަކީ މުޖުތަމަޢުގައި މުހިންމު ދައުރެއް އަދާކުރާ، އެެއްވެސް ތަފާތުކުރުމެއް ނެތި މުޖުތަމަޢުގެ ހުރިހާ ކަމެއްގައިވެސް ބައިވެރިވުމުގެ ފުރުޞަތު ލިބެން ޖެހޭ ބައެއް ކަމަށް ސޯޝަލް އެންޑް ފެމިލީ މިނިސްޓްރީން ބުނެފި އެވެ.
މިއަދު ފާހަގަކުރާ ބައިނަލްއަގުވާމީ އޯޓިޒަމަށް ހޭލުންތެރި ކުރުވުމުގެ ދުވަހާ ގުޅިގެން މިނިސްޓްރީން އާންމުކުރި ސޯޝަލް މީޑިއާ ޕޯސްޓެއްގައި ބުނީ އޯޓިޒަމް ހުންނަ މީހުންގެ ޤާބިލިއްޔަތުކަމާއި ހުނަރުތައް ފާހަގަކޮށް، އޯގާތެރި އަދި ޝާމިލުކުރަނިވި މުޖުތަމަޢެއް ބިނާކުރަން މަސައްކަތް ކުރަން ޖެހޭ ކަމަށެވެ.
އޯޓިޒަމް ހުންނަ ފަރާތްތަކަކީ މުޖުތަމަޢުގައި މުހިންމު ދައުރެއް އަދާކުރާ، އެެއްވެސް ތަފާތުކުރުމެއްނެތި މުޖުތަމަޢުގެ ހުރިހާ ކަމެއްގައިވެސް ބައިވެރިވުމުގެ ފުރުޞަތު ލިބެންޖެހޭ ބައެއް.
އެ ފަރާތްތަކުގެ ޤާބިލިއްޔަތުކަމާއި ހުނަރުތައް ފާހަގަކޮށް، އޯގާތެރި އަދި ޝާމިލުކުރަނިވި މުޖުތަމަޢެއް… pic.twitter.com/Xt1zrrhr8Z
— Ministry of Social and Family Development (@MSFDmv) April 1, 2025
މި އަހަރު އޯޓިޒަމް ދުވަހުގެ ޝިއާރަކީ "އެޑްވާންސިން ނިއުރޯޑައިވާސިޓީ އެންޑް ދަ ޔޫއެންސަސްޓެއިނަބަލް ޑިވެލޮޕްމަންޓް ގޯލްސް" އެވެ.
މި ދުވަސް ބައިނަލްއަގުވާމީ ފެންވަރުގައި ފާހަގަކުރަމުން އަންނަނީ 2007 އިން ފެށިގެންނެވެ.
އޯޓިޒަމް އެސޯސިއޭޝަން އޮފް މޯލްޑިވްސް އިން ބުނެފައިވާ ގޮތުގެ އެތަނުގެ ދަފުތަރުގައި މި ވަގުތު ޚިދުމަތް ހޯދާ 168 ކުދިން އެބަތިއްބެވެ.
މި އަހަރުގެ އޯޓިޒަމް ދުވަހާ ގުޅިގެން މުޅި މި މަހަށް ބަހާލައިގެން އެކި ހަރަކާތްތައް ހިންގުމަށް ހެލްތު މިނިސްޓްރީން ނިންމާފައިވެ އެވެ.