އޯޓިޒަމް ހުއްޓަަސް ކޮންމެ ދިވެހި ދަރިޔަކީ ގައުމަށް މުހިންމު އަގުހުރި ދަރިއެއް ކަމަށް ރައީސް ޑރ. މުޙައްމަދު މުޢިއްޒު ވިދާޅުވެއްޖެ އެވެ.
މިއަދު ފާހަގަކުރާ ދުނިޔޭގެ އޯޓިޒަމް ދުވަހުގެ ހެޔޮއެދުންތައް ފޮނުއްވައި ރައީސް ކުރެއްވި ޕޯސްޓެއްގައި ވިދާޅުވީ ކޮންމެ ދިވެހި ދަރިޔަކީ މި ޤައުމަށް މުހިންމު އަގުހުރި ދަރިއެއް ކަމަށާއި އޯޓިޒަމް ތަޙައްމަލުކުރާ ކޮންމެ ކުއްޖަކީ ވެސް ޤައުމަށް މަންފާކޮށް ދޭނެ އެތައް ހުނަރެއް ހުރި މޮޅު ކުދީން ކަމެއް ކަމަށެވެ. ރައީސް ވިދާޅުވީއެ ކުދީންނަށް އަޅައިލުމާއި ލޯބި ދިނުމަކީ ޤައުމީ ވާޖިބެއް ކަމަށެވެ.
ދުނިޔޭގެ އޯޓިޒަމް ދުވަހުގެ ގޮތުގައި 2007 އިން ފެށިގެން ފާހަގަ ކުރަނީ އޭޕްރިލް 2 އެވެ.
— Dr Mohamed Muizzu (@MMuizzu) April 2, 2025
މި އަހަރު އޯޓިޒަމް ދުވަހުގެ ޝިއާރަކީ "އެޑްވާންސިން ނިއުރޯޑައިވާސިޓީ އެންޑް ދަ ޔޫއެންސަސްޓެއިނަބަލް ޑިވެލޮޕްމަންޓް ގޯލްސް" އެވެ.
އޯޓިޒަމް އެސޯސިއޭޝަން އޮފް މޯލްޑިވްސް އިން ބުނެފައިވާ ގޮތުގެ އެތަނުގެ ދަފުތަރުގައި މި ވަގުތު ޚިދުމަތް ހޯދާ 168 ކުދިން އެބަތިއްބެވެ.