އޯޓިޒަމާ މެދު މުޖުތަމަޢުގެ ހޭލުންތެރިކަން އިތުރުކުރުމާއި އޯޓިޒަމް ހުންނަ ފަރާތްތަކަށް ލިބެން ޖެހޭ ޚިދުމަތްތަކާއި ފަރުވާ ފަސޭހަކޮށް ލިބެން ހުރުން މުހިއްމު ކަމަށް ކުރީގެ ނައިބު ރައީސް ފައިސަލް ނަސީމު ވިދާޅުވެއްޖެ އެވެ.
މިއަދު ފާހަގަކުރާ އޯޓިޒަމް ދުވަހާ ގުޅިގެން ސޯޝަލް މީޑިއާ ޕޯސްޓެއްގައި އެ މަނިކުިފާނު ވިދާޅުވީ އޯޓިޒަމް ހުންނަ ކުދިންނާއި މީހުންނަކީ މުޖުތަމަޢުގައި ހަޤީޤީ މާނައިގައި ޝާމިލު ކުރެވޭ ބައެއްގެ ގޮތުގައި ހެދުމަށް އޯޓިޒަމް އާ ބެހޭ ސިޔާސަތުތައް ހަރުދަނާކޮށް މުޖުތަމަޢުގެ ކޮންމެ ފަރުދަކީ މުހިއްމު މީހެއްގެ ގޮތުގައި ދެކި އެބައެއްގެ ބޭނުންތައް ފަސޭހަކަމާއެކު ފުއްދޭނެ އިންތިޒާމްތައް ޤާއިމުވެފައި ހުރުން މުހިއްމު ކަމަށެވެ.
މި އަހަރު އޯޓިޒަމް ދުވަހުގެ ޝިއާރަކީ "އެޑްވާންސިން ނިއުރޯޑައިވާސިޓީ އެންޑް ދަ ޔޫއެންސަސްޓެއިނަބަލް ޑިވެލޮޕްމަންޓް ގޯލްސް" އެވެ.
އޯޓިޒަމް އެސޯސިއޭޝަން އޮފް މޯލްޑިވްސް އިން ބުނެފައިވާ ގޮތުގެ އެތަނުގެ ދަފުތަރުގައި މި ވަގުތު ޚިދުމަތް ހޯދާ 168 ކުދިން އެބަތިއްބެވެ.
ދުނިޔޭގެ އޯޓިޒަމް ދުވަހުގެ ގޮތުގައި 2007 އިން ފެށިގެން ފާހަގަ ކުރަނީ އޭޕްރިލް 2 އެވެ.