ބޮލީވުޑްގެ ތަރި، ސަލްމާން ޚާން އިނގިރޭސިވިލާތުގައި ޓުއާއެއް ބާއްވަން ތައްތާރުވެއްޖެ އެވެ.
"ދަ ބޮލީވުޑް ބިގް ވަން" ގެ ނަމުގައި ކުރިއަށް ގެންދާ މި ޓުއާގެ ފުރަތަމަ ޝޯ އަންނަ މަހުގެ 4 ގައި މެންޗެސްޓާގައި ބާއްވަން ނިންމާފައިވާ އިރު، ދެވަނަ ޝޯ އޮންނާނީ އަންނަ މަހުގެ 5 ގައި ލަންޑަންގަ އެވެ.
ސަލްމާނާ އެކު ޓުއާގައި ބައިވެރިިވާ ތަރިންގެ ތެރޭގައި މަދޫރީ ޑިކްސިޓާއި ވަރުން ދަވަނާއި ޑިޝާ ޕަޓާނީ ޓައިގާ ޝްރޮފާއި ކްރިތީ ސެނަން އާއި ސާރާ އަލީ ޚާނާއި ކޮމީޑިއަން/އެކްޓަރު ސުނިލް ގްރޯވާ ހިމެނެ އެވެ.
"ދަ ބޮލީވުޑް ބިގް ވަން" ޓުއާގައި ހޯސްޓެއްގެ ގޮތުގައި ބައިވެރިވާނީ ސަލްމާން "ދަ-ބަންގް" ގެ ނަމުގައި ކުރިއަށް ގެންދާ ސިލްސިލާ ޓުއާތަކުގައިި ވެސް ހޯސްޓެއްގެ ގޮތުގައި އާންމުކޮށް ބައިވެރިވާ ކުޅަދާނަ ހޯސްޓް/އެކްޓަރު މަނީޝް ޕޯލެވެ.
ސަލްމާންގެ ކޮއްކޮ ސުހައިލް ޚާން ވެސް ހިއްސާވެގެން އިނގިރޭސިވިލާތުގައި ކުރިއަށް ގެންދާ މި ޓުއާ ސިފަކުރަނީ މިހާތަނަށް ބާއްވާ ބޮލީވުޑްގެ އެންމެ ބޮޑު ޓުއާގެ ގޮތުގަ އެވެ.