ކާޑާއި އަސާސީ އެހެން ބާވަތްތަކުގެ ކޯޓާ އިންޑިއާ އިން ރާއްޖެ އަށް އިތުރުކޮށް ދީފައިވާތީ އެ ގައުމަށް ރާއްޖެ އިން ޝުކުރުއަދާކޮށްފި އެވެ.
ފޮރިން މިނިސްްޓްރީން މިއަދު ސޯޝަލް މީޑިއާ ޕޯސްޓެއްގައި ބުނީ 2025-26 އަށް ޒަރޫރީ ތަކެތި ފޯރުކޮށް ދިނުމަށް މަގުފަހިކޮށް ދިނުމުގައި އިންޑިއާ ސަރުކާރުން ދެއްވި އެއްބާރުލުމަށް ރާއްޖެ އިން އިން އިޚްލާޞްތެރިކަމާއެކު ޝުކުރު އަދާކުރާ ކަމަށެވެ. އަދި މިފަދަ ކަންކަމުން ދައްކުވައި ދެނީ ދެ ގައުމުގެ ދެމެދުގައި އޮތް ގުޅުމުހެ ހަރުދަނާކަން ކަން ކަމަށް ވެސް މިނިސްޓްރީން ބުންޏެވެ.
އިންޑިއާ ހައި ކޮމިޝަނުން އިއްޔެ ނެރުނު ބަޔާނެއްގައި ބުނި ގޮތުގައި މި ފަހަރު ރާއްޖެ އަށް އިތުރުކޮށް ދިން ކޯޓާ އަކީ 1981 އެއްބަސްވުން ހެދި ފަހުން މިހާތަނަށް ހުއްދަ ދޭ ނުވަތަ ކޯޓާ އިތުރުކޮށްދޭ އެންމެ ބޮޑު އަދަދު ކަމަށެވެ.
The Gov of #Maldives conveys its sincere appreciation to the Gov of #India for its continued support in facilitating the supply of essential commodities for 2025-26. This important arrangement reflects the enduring partnership and close cooperation between 🇲🇻 – 🇮🇳 @MEAIndia
— Ministry of Foreign Affairs 🇲🇻 (@MoFAmv) April 3, 2025
އެގޮތުން ފިޔާ، އަލުވި، ބިސް އަދި ހަކުރާއި ފުށް ފަދަ ސާމާނުގެ ކޯޓާ ފަސް ޕަސެންޓަށް އިތުރުކޮށްދީފައިވާ އިރު މުގު އެތެރެކުރެވޭ މިންވަރު 56 ޕަސެންޓަށް އިތުރުކޮށްފައިވެ އެވެ.
އިންޑިއާ އިން ވަނީ އެ ގައުމުން އަސާސީ ބައެއް ތަކެތި އެކްސްޕޯޓް ކުރުން މަނާކުރި ދަނޑިވަޅުގައި ވެސް ރާއްޖެ އަށް ތަކެތި ފޯރުކޮށް ދީފަ އެވެ.
ރާއްޖެއާ އެންމެ އަވައްޓެރި އެއް ގައުމު ކަމަށްވާ އިންޑިއާ އަކީ އަބަދު ވެސް އެކި ގޮތްގޮތުން ރާއްޖެ އަށް އެހީވަމުން އަންނަ ގައުމެކެވެ.