އިނގިރޭސީންގެ އަޅުވެތިކަމުގެ ދަށުގައި އިންޑިއާ އޮތް ދުވަސްވަރު ހިންގާފައިވާ ގަތުލުއާންމަކާ ދެކޮޅަށް ހިނގާފައިވާ ކޯޓް ކޭހަކަށް ބިނާކޮށް ހަދާފައިވާ ފިލްމު "ކޭސަރީ ޗެޕްޓާ 2: ދި އަންޓޯލްޑް ސްޓޯރީ އޮފް ޖަލިއަންވާލާ ބާގް" ގެ ޓްރެއިލާ މިއަދު ދައްކާލައިފި އެވެ.
ކަރަން ޖޯހަރްގެ ދަރުމާ ޕްރޮޑަކްޝަނުން މި މަހުގެ 18 ގައި ސިނަމާތަކަށް ގެންނަން ނިންމާފައިވާ މި ފިލްމަކީ ދައްކުވައި ދޭނީ 1919 ގައި ހިންގާފައިވާ ޖަރީމާ އާއި އޭގެ ފަހުން ކަންތައްވެގެން ދިތަ ގޮތާއި އިނގިރޭސިންގެ ވެރިކަމާ ދެކޮޅަށް ކޯޓްގައި ހިނގައި ދިޔަ ޝަރީއަތެވެ.
އެ މައްސަލައިގައި އިނގިރޭސިންނާ ދެކޮޅަށް ވަކާލާތު ކުރުމުގައި އިސްކޮށް ހުރީ ގައުމީ ބަތަލެއްގެ ގޮތުގައި ދެކޭ ސީ ޝަންކަރް ނާރަޔަން އެވެ.
އެ ރޯލު "ކޭސަރީ ޗެޕްޓާ 2" ގައި ކުޅެފައި ވަނީ އަކްޝޭ ކުމާރެވެ.
ކަރަން ސިންގް ތިއާގީ ޑައިރެކްޓްކޮށްފައިވާ ފިލްމުގެ ވަރުގަދަ ރޯލުތަކަކުން ޒުވާން ބަތަލާ އަނަންޔާ ޕާންޑޭގެ އިތުރުން އާރް މާދްވަން ވެސް ފެންނާނެ އެވެ.