* ބޭނުންވާ ތަކެތި:
3 ބިސް
5 ރޯ ޓޮމާޓޯ (ކުދިކޮށް ކޮށާފައި)
1 ސައިސަމުސާ ޕެޕްރިކާ ޕައުޑާ
1 ފިޔާ (ތުނިކޮށް ކޮށާފައި)
1/2 ސައިސަމުސާ ދިރި
3 ސައިސަމުސާ ތެޔޮ
1 ތޮޅިމިރުސް (ކޮށާފައި)
ލޮނު
2 ސައިސަމުސާ އަސޭމިރުސް
1 ކުޑަ ކެޕްސިކަމް (ތުނިކޮށް ކޮށާފައި)
1 ސައިސަމުސާ ޗިލީ ފްލޭކްސް
1 ސައިސަމުސާ ހަކުރު
* ތައްޔާރު ކުރާނެ ގޮތް:
ތަވައެއްގައި ތެޔޮފޮދު ހޫނުކުރާށެވެ. ދެން ފިޔާ އަޅައި މީރުކޮށްލާށެވެ. އަދި ލޮނުމެދު ޕޭސްޓުކޮޅު ވެސް އަޅައިލާށެވެ. އެއަށް ފަހު ކެޕްސިކަމް އާއި މިރުސް އަޅާށެވެ. އިރުކޮޅެއް ވަންދެން ހުރިހާ އެއްޗެއް ރަނގަޅަށް އެއްކޮށްލާށެވެ.
ހަވާދުގެ ހުރިހާ ބައިތަކާ އެކު ޓޮމާޓޯކޮޅު ވެސް އަޅާށެވެ. އިރުކޮޅެއް ވަންދެން ކައްކާލައި ހަކުރުކޮޅު އަޅާށެވެ. ދެން މަޑު ގިނީގައި ކައްކާލައި ޓޮމާޓޯ ސޯސް އޮލަ ވަންދެން ކައްކާށެވެ. ސަމުސަލަކުން ނަމަވެސް ސޯސްގަނޑުގައި ކުޑަ އަޑިކޮޅެއް ހަދާށެވެ. އެ އަޑިކޮޅަށް ބިސްތައް ތަޅާފައި އަޅާށެވެ.
އެެއަށް ފަހު ލޮނާއި އަސޭމިރުސް އަޅައި ސީޒަންކޮށްލާނީ އެވެ. ބިސް އެޅުމަށް ފަހު އެއްވެސް ގޮތަކަށް އެއް ނުކުރާށެވެ. ތަވާގައި މަތިޖަހާލައި ގާތްގަނޑަކަށް ފަސް މިނެޓު ވަންދެން ބަހައްޓާށެވެ. މިގޮތަށް ކެއްކުމުން ބިހުގެ ގޮބޮޅި އޮންނާނީ ރަނގަޅަށް ސެޓްވެފައެވެ. އެކަމަކު މަޑުކޮށެވެ. ބޭނުން ނަމަ ގިނަ އިރުވަންދެން އެއްކޮށް ހަރުވަންދެން ކައްކާލެވިދާނެއެވެ.
ސާވްކުރާ އިރު ގާނިޝްކޮށްލަން މައްޗަށް ކޮރިއަންޑާ ފަތްކޮޅެއް އަޅާލާށެވެ.