މަސްތުވާތަކެތީގެ މައްސަލައެއްގައި ދުވަސްވީ މީހަކު ހައްޔަރުކޮށްފި އެވެ.
ބަލައި ދިޔަ ފޮށިގަނޑަކުން މަސްތުވާތަކެތި ފެނުނު މައްސަލައިގައި ހައްޔަރުކޮށްފައި ވަނީ މާލެއަށް ނިސްބަތްވާ 52 އަހަރުގެ ފިރިހެނެކެވެ.
އޭނަ ހައްޔަރުކޮށް ބަންދާ މެދު ގޮތެއް ނިންމަން އިއްޔެ ކްރިމިނަލް ކޯޓަށް ހާޒިރު ކުރުމުން ބަންދަށް 20 ދުވަސް ޖަހާފައިވެ އެވެ.
އެ މީހާގެ މައްޗަށް ފުލުހުން ކުރަނީ މަސްތުވާތަކެތި އެތެރެ ކުރުމާއި، ޓްރެފިކް ކުރުމުގެ ތުހުމަތެވެ.
އޭނަގެ ބަންދު އަމުރުގައިވާ ގޮތުން ތުހުމަތު ކުރެވޭ ކުށް އޭނާ ކުރިކަމަށް އެކަށީގެންވާ މިންވަރަށް ހެކި ހުށަހަޅާފައިވެ އެވެ. އެގޮތުން ތަހުގީގު ބަޔާންތަކާއި، އިތުރު ހެކި ގަރީނާ ހުށަހެޅިފައިވާ އިރު، ބަލައިދިޔަ ފޮށިގަނޑަކުން ގިނަ އަދަދެއްގެ މަސްތުވާތަކެތި ފެނިފައިވާ ކަމަށް ވެެސް އަމުރުގައިވެ އެވެ.
ފޮށިގަނޑުން 800 ގްރާމަށް ވުރެ ގިނަ މަސްތުވާތަކެތި ފެނިފައިވެެ އެވެ.